ସମୟର ଆହ୍ବାନ

ସଫଳତା ପାଇବାକୁ ହେଲେ

      ଚାଖିବାକୁ ହେବ ଅସଫଳତାର ସ୍ବାଦ

ଶୁଣିଛ କି କେହି କେବେ

      ଦୁନିଆରେ ଏକା ଦିନେ ପାଲଟିଛି ବୁଦ୍ଧ ,

ସମୟର ଆହ୍ବାନକୁ ଯେ ଜୀବନେ

             ସହୃଦୟେ କରିଅଛି ଗ୍ରହଣ

ସଫଳତା ନିଶ୍ଚିତରେ ଛୁଇଁଛି ତାକୁ

             ଇତିହାସେ ରହିଛି ପ୍ରମାଣ ,

ମନର ସାଗରେ ଉଠେ ଅସୁମାରୀ ଢେଉ

          ଲଂଘିବାକୁ ହୃଦୟର ବେଳାଭୂଇଁ

ସମୟ ଥାଉ ଥାଉ ଯେ ଶାନ୍ତ କଲା ତାକୁ

     ଜୀବନେ ଅସଫଳ ସେ କେବେ ହୁଏ ନାହିଁ ,

ଏମିତି ବି ମନ ସବୁ କ୍ଷଣେ ଚଞ୍ଚଳା 

      ଶୁଣିବା ପାଇଁ ଚାହେଁନା ବିବେକ ର କଥା

ଯେ ଶୁଣିଛି ,ଯେ ମାନିଛି, ଧୈର୍ଯ୍ୟ ଧରି

    ନଇଁ ନାହିଁ ଜୀବନେ ତା କେବେ ଦିନେ ମଥା ...।