ସମୟର ଆହ୍ୱାନ
ସମୟର ଆହ୍ୱାନ
1 min
171
ସମୟ କୁହେ
ପାରିବ ଯଦି ଚାଲ ମୋ ସହ
ପାଦକୁ ମିଶାଇ ପାଦ।
ଦେଖିବ ଆଉ ଅଳ୍ପଦିନ ପରେ
ତମାମ ଅନ୍ଧାରର ବୁକୁଚିରି
ନୂତନ ସୂର୍ଯ୍ଯଦୋୟ ହେବ
ପୁଣି ଥରେ କଅଁଳି ଉଠିବ
ଛନଛନ ଦୁବ ଘାସ
ଆବେଗ ଓ ଉନ୍ମାଦନାରେ
ଭରିଯିବ ସଭିଙ୍କକ ମନ।
ପଳାତକ ସାଜିଥିବା ଋତୁମାନେ
ପୁଣି ଲେଉଟାଣି ଦେବେ,
ହସିଉଠିବ ଧରଣୀ
ତା ସବୁଜ କାନି ହଲାଇ ହଲାଇ
ଗୁଣୁଗୁଣେଉ ଥିବ ମନେ ମନେ।
ମହକିବ ବଉଳ ମହକିବ ଚନ୍ଦନ
ପବନେ ପବନେ ଥିବ ଏକ ଶୀହରଣ
ରାଗ ତୋଳି ନଈବି ଗାଇବ ଗୀତ
ଛନ୍ଦତୋଳି ନାଚିବ ମୟୁର।
ଅମୃତ ସନ୍ତାନ ଆମେ
ହାରିବା ନାହିଁ, ଡରିବା ନାହିଁ
କି ଥକିଯିବା ନାହିଁ
ଚାଲ ଆମେ ସମୟ ସହ ଚାଲିବା
ଲଢିଯିବା ଲୋଟିଯିବା
ଶତ୍ରୁକୁ ପରାଜିତ କରିବା ଯାଏଁ
ଆମେ ଯୁଦ୍ଧରତ ଥିବା।