ସମୟ ପଥେ

ଅପରାହ୍ନ ଯାଇ ସାୟାହ୍ନ ହେଲାଣି

ବୟସ ମାଗୁଛି ଦିଅ ମେଲାଣି

ବୟସର ଯେତେ ମାନ ଅଭିମାନ

ପୁରୁଣା ହେଲାଣି ଛିଡି ଗଉଣି

ବାପାଙ୍କ ରାଜକୁମାରୀ ହଜିଲା ଯେବେ

ହୋଇ କାହା ଘରର ରାଣୀ

ଫଗୁଣରେ ଫଗୁ ଶ୍ରାବଣରେ ଫଲ୍ଗୁ

ସାଜି ମଲା ଫାଲ୍ଗୁନୀ

ମଳୟ ଚଇତି କେତେ ଚିତ୍ରଗୀତି

ଜୀବନ ଯମୁନା ଉଠାଣି ଗଡା଼ଣି

ପ୍ରେମ ବତୁରା ସ୍ବପ୍ନ ଅଧୁରା ଚୈତନ୍ୟ

ଚେତନା କହେ କାହାଣୀ

ବିତିଲା ଦିନର ପିଛିଲା କଥାର

ମାନେ ନାହିଁ ବହି ପୃଷ୍ଠା ହେଲାଣି

କିଏ କେତେ ଆସି ଏ ଧରା ଧାମକୁ

ସ୍ବର୍ଣ୍ଣ ଅକ୍ଷରେ ନାମ ଲେଖି ଗଲେଣି

ଫେରିବକି ଆଉ ଜୀବନେ ସେଦିନ 

ସ୍ବପ୍ନ କେବେ ବାସ୍ତବ ହେଲାଣି

ସଂସାର ନାଆର ଦଦରା ଆହୁଲା 

ତୁଠ ପଥରଟା କହେ କାହାଣୀ

ପୁରୁବା ପବନ ପୁବେଇ ନଇଧାରେ

ସୁରୁଜ ପରିକା ଡୁବି ଗଲାଣି

କେତେ କାହାଣୀ ଜିଇଁ ମରି ଏଠି କହେ

କିଏ ରାଜା ଅବା କିଏ ରାଣୀ ମାଲ୍ୟାଣୀ ।