ସମୟ ଗଲାଣି ବଦଳି

କେବେ ଥିଲା ହାଏ ରାଜାଙ୍କ ରାଜତ୍ୱ

            କରୁଥୁଲେ ରାଜା ଶାସନ,

ହେଲେ ଆଜି ବସି ଭାବିଲେ ସେ କଥା

            ଲାଗଇ ସତେକି ସପନ |

ମସ୍ତକ ଉପରେ ଶୋଭା ପାଊଥିଲା

           ରତ୍ନ ବିଖଚିତ ମୁକୁଟ,

ବେକରେ ହାରକୁ ଦେହେ ଶୋହୁଥିଲା

             ରଙ୍ଗବେରଙ୍ଗର ପୋଷାକ |

ରାଜା ବସୁଥିଲେ ସିଂହାସନପରେ

             ଦୁଇପଟେ ଥିଲେ ପ୍ରହରୀ,

କେତେକେତେ ପ୍ରଜା ପ୍ରତିଦିନ ଆସି

            ଜଣାଉଥିଲେଟି ଗୁହାରୀ |

ସମୟ ସାଥୀରେ ବଦଳି ଗଲାଣି

             ଏବେର ଶାସନ ତରିକା,

ସ୍ୱାଧୀନ ଦେଶରେ ସ୍ୱାଧୀନ ଆମେତ

              ନିଜେ ବାହୁ ନିଜ ନଉକା |

ଏକାଳ ସେକାଳ ଫରକ ଦେଖିଲେ

               ଆକାଶ ପାତାଳ ଲାଗୁଛି,

ସତ କିବା ମିଛ ଜାଣିବାପାଇଁକି

                ଇତିହାସ ସାକ୍ଷୀ ରହିଛି |