Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

Anita Dash

Abstract Action Others

3  

Anita Dash

Abstract Action Others

ସମୁଦ୍ର

ସମୁଦ୍ର

1 min
250


ହେ ସମୁଦ୍ର !!

କେଡେ ଅଦ୍ଭୁତ ତୁମର ସେ ସମ୍ମୋହନ ଶକ୍ତି !

ଦୂର ଦିଗ ବଳୟର ଆର ପାରିରୁ

ଝାପ୍ସା ଝାପ୍ସା ଦିଶୁଥିବା

ସୁନ୍ଦର ପାହାଡ଼ ପରି

ଖୁବ ଆକର୍ଷଣୀୟ ତୁମେ !

କିଏବା ହେବକି ସରି ତୁମ ସହ ଦାମ୍ଭିକ ପଣରେ !

କାଉଁରିଆ କାଠି ପରି ନଇଁବାର ଶିଖି ନାହଁ ବୋଲି

ତୁମ ସାଥି ଆକାଶଟି କେମିତିକା ନଇଁ ଯାଏ

ତମ ସହ ମିଳନର ପାଇଁ, ସମ୍ପର୍କକୁ ସୁରକ୍ଷିତ କରି !

ଏତେ କାହିଁ ସ୍ୱେଚ୍ଛାଚାରୀ ତୁମେ !

ବୁଝ ନାହିଁ କାର ମନ କଥା !

ତୁମ ସାଥେ ମିଶିବାର ପାଇଁ

ନଦୀଟିଏ ଡେଇଁଥାଏ କେତେ ବନ- ପାହାଡ଼ର ଭୂଇଁ !

କେତେ କେତେ କଠିନସେ ତପସ୍ୟାର ବଳେ

ଲଙ୍ଘିଥାଏ ଅଲଂଘ୍ୟ ଦୂରତା !!

ହେ ସାଗର !

ମତେ ଥରେ କହିବକି ! କହିବକି ମତେ ?

ତୁମ ନିରଙ୍କୁଶ ଶାସନର କ୍ରୁରତାରେ ଦବି

ତୁମ ସାଥି ଆଜି କାହିଁ ଶତତ ବ୍ୟଥିତ !

ଅବଦମିତ ଶାସନରେ ପ୍ରାପ୍ତ ବିଜୟ

କଣ ପ୍ରକୃତ ବିଜୟ ???????

 

  


Rate this content
Log in

More oriya poem from Anita Dash

Similar oriya poem from Abstract