ସ୍ମୃତିର ସାଗର ତୀରେ

ଫଗୁଣ ଆସିଲା ମଳୟ ବହିଲା

ମିଳିଲାନି ତୁମ ଦେଖା

ଦେଖ କେଉଁପରି ସ୍ମୃତିର ନଈରେ

ଭାସୁଛି ମୁଁ ଏକା ଏକା I

ସାଗର ବେଳାରେ ଲେଖି ଦେଇଥିଲି

ତୁମରି ନାଆଁକୁ ଦିନେ

ଜୋଛନାରେ ଭିଜି ବେଳାଭୂମି ସାରା

ଖୋଜୁଖିଲି ମନେ ମନେ I

ଆଷାଢ ଶ୍ରାବଣ ଭାଦ୍ରବ ଆଶ୍ୱିନ

ଗୋଟେପରେ ଗୋଟେଆସି

ଲିଭାଇଦେଲେ ସେ ନାଆଁକୁ ତୁମର

ହରିନେଲେ ମୋର ଖୁସି I

ଏକାନ୍ତରେ ଆଜି ସାଗର ସୈକତେ

ଆଙ୍କୁଛି ତୁମର ଛବି

କାହିଁକି ଫଗୁଣ ଛୁଇଁଲାନି ମୋତେ

ମରୁଛି ମୁଁ ଭାବି ଭାବି I