ସ୍ମୃତି
ସ୍ମୃତି
ସ୍ମୃତି ଏକ ମଲାଜହ୍ନ ହୃଦୟ ଆକାଶେ
ସ୍ମୃତି ଏକ ହେନା ଫୁଲ ମହମହ ବାସେ
ସ୍ମୃତି ଏକ ନୀଳଜହ୍ନ ଆତ୍ମପ୍ରକାଶେ
ସ୍ମୃତି କୋଣାର୍କ ନର୍ତ୍ତକୀ ଉଦାସୀ ହସେ
ସ୍ମୃତି ହଳଦୀବସନ୍ତ ଉଡୁଥାଏ ଉଦାସେ
ସ୍ମୃତି ପିଆସୀ ଉଦାସୀ ନୀରବେ ଯାଏ ଆସେ
ସ୍ମୃତି ଫରୁଆ ଏକ ଶ୍ରାବଣ ପରଶେ
ସ୍ମୃତି ଗୋଲାପି ଚିଠିଟିଏ ମଳୟ ବତାସେ
ସ୍ମୃତି ଏକ ରୁପାଜହ୍ନ ଫଗୁଣ ଫୁଲବାସେ
ସ୍ମୃତି ଏକ ବତୀଘର ସମୁଦ୍ର ସାରସେ
ସ୍ମୃତି ଏକ ପୋତାଶ୍ରୟ ଋତୁ ବିଭାବରୀ ବର୍ଷେ
ସ୍ମୃତି ଏକ ସବୁଜ ଛାଇ ଯାଏ ଫେରିଆସେ
ସ୍ମୃତି ଏକ ନଳବଣ ଚିଲିକାର ସ୍ପର୍ଷେ
ସ୍ମୃତି କେବେ ବିରହିଣୀ ଉଲକା ହୋଇ ଖସେ
ସ୍ମୃତି ଏକ ଜତୁଗୃହ ମଦାଳସୀ ପଳାସେ
ସ୍ମୃତି ଏକ ଜଳନ୍ତା ନିଆଁଝୁଲ୍ ଦୋଳାୟିତ ନାଗ ଫାଶେ
ସ୍ମୃତି ଅହରହ ଆନମନା କରୁଥିବା ପ୍ରଜାପତି ମଧୁମାସେ