ସ୍ମୃତି

ସ୍ମୃତି ଏକ ଅଭୁଲା ଦିନର 

        ସୁନ୍ଦର ଅତିଥି ,ସ୍ମୃତି     ||

ସ୍ମୃତି ଏକ ଝଡି ବରଷାର 

        ଭିଜା ଭିଜା ମାଟି ,ସ୍ମୃତି  ||

ସ୍ମୃତି କେବେ ସୁନେଲି ସକାଳ 

        କଳା କିଟି ମିଟି ରାତି     ||

ସ୍ମୃତି କେବେ ପୁରୁଣା ଦିନର 

        ପ୍ରିୟା ଦେଇଥିବା ଚିଠି    ||

ସ୍ମୃତି କେବେ ବରଷା ଛିଟାରେ

        ବହି ଆସୁଥିବା ମାଟି    ||

ସ୍ମୃତି କେବେ ମନର ଫରୁଆ 

        ଆତୁର ସେ ମହୁମାଛି    ||

ସ୍ମୃତି କେବେ ପିଲା ଦିନର ସେ 

       ରାଗ ରୁଷା ପୁଣି କଟି    ||

ସ୍ମୃତି କେବେ ବାଲିଘର ଆଉ 

       ଇସ୍କୁଲର ଖେଳଛୁଟି     ||

ସ୍ମୃତି ଏକ ଶୀତୁଆ ସଞ୍ଜର

       ଅଭୁଲା ଅଲିଭା ସାଥି   ||