ଲାଇବ୍ରେରୀ
ପ୍ରୋଫାଇଲ୍
ସ୍ମୃତି
ସ୍ମୃତି
1 min
131
ସ୍ମୃତି ତୁମେ ମୋର
ଫଗୁଣ ସଞ୍ଜର
ଅଭିଆଡ଼ି ମଧୁ ଜ୍ୟୋତ୍ସ୍ନା
ଗୋଧୂଳି ଲଗ୍ନର
ଧୂଳି ଧୂସରିତ
କୁଆଁରୀ ମନର ତୃଷ୍ଣା.
ତୁମେ ନୀଳ କଇଁ
ମାନସ ସାଗରେ
ପ୍ରୀତି ଅନୁରାଗ ଯୁକ୍ତା
ଅଭିମାନେ ଭରା
ଚିର ସ୍ରୋତା କେବେ
ପ୍ରଣୟ ପିୟୁଷ ଯୁକ୍ତା.
ଶୀତ ସକାଳ ର
କାକର ବିନ୍ଦୁରେ
ଉଦ୍ଭାସିତ ରୀତି ମୁକ୍ତା
ଲୁହର ପିଆଲା
ସ୍ନେହେ ମତୁଆଲା
ଭାବ ସ୍ରୋତେ ଅନୁରକ୍ତା.
ନିଶବ୍ଦ ପ୍ରହରେ
ବିରହ ଝଙ୍କାରେ
ତୁମେ ମିଠା ମଧୁ ଲଗ୍ନା
ଭାବ ତରଙ୍ଗିନୀ
ହୃଦୟ ସଙ୍ଗିନୀ
ଅତୀତର ମିଠା ବାସ୍ନା.
