ସ୍ମୃତି, ପାଇବାର ଆଶା ନାହିଁ

ପ୍ରେମ ପାଇଁ ସୁଖ ପ୍ରେମ ବି 

ଦୁଃଖର କାରଣ

ସେ ଯନ୍ତ୍ରଣା ଅସୀମ ପୁଣି ପ୍ରେମ 

ବିନା ସବୁ ଶୂନ୍ୟ |୧|

ମୋ ହୃଦୟର ପ୍ରତିଟି ସ୍ପନ୍ଦନ  

ପ୍ରତିଟି ମୁହୂର୍ତ୍ତରେ

ତୁମର ସ୍ଥିତିକୁ ଧରି ରଖିଛି ଭୁଲି 

ତ ପାରୁନିରେ |୨|

ସମ୍ପର୍କରେ ପ୍ରେମ ଜୀବନକୁ 

କରେ ସାକାର 

ପ୍ରୀତି ପ୍ରଣୟରେ ମଧୁର ଲାଗେ 

ଏଇ ସଂସାର |୩|

ଖୋଜେ ମୋ ଅତୀତର ସେଇ 

ମହାର୍ଘ ମୁହୂର୍ତ୍ତ

ଯାହା ଦିନେ ମୋତେ କରିଥିଲା 

ତରଙ୍ଗାୟିତ |୪|

  

ସେ ଆଜି ଏକ ସ୍ମୃତି ପାଇବାର  

ଆଶା ନାହିଁ

ସମୟ ଗଡି ଚାଲେ ପ୍ରତୀକ୍ଷାର  

ଅନ୍ତ ନାହିଁ |୫|

 

ଭାବନାରେ ଥିଲା ସେ ପ୍ରୀତି 

ବୋଳା ହାତ

ପ୍ରୀତି ତ ହେଲା ନାହିଁ ଲୁହ 

କିଛି ମିଳିଛି ତ |୬|

ସଥିପାଇଁ ଅନେକ ଦୁଃଖ ଓ ଯନ୍ତ୍ରଣା 

ଭୋଗିଛି

ସୁଖ ପଛେ ଧାଇଁ ଧାଇଁ ନିରାଶ ମଧ୍ୟ 

ହୋଇଛି |୭|

ଉଜୁଡା ସ୍ୱପ୍ନକୁ ମନେ ପକାଇ  

ମୁଁ ଭାବୁଛି

ପ୍ରେମ ମାଦକତାରେ ତୁମେ ଜଳିନ  

ମୁଁ ଜଳିଛି |୮|

ପ୍ରେମ ଜୀବନ ଓ ଯୌଵନ 

ଚିରସ୍ଥାୟୀ ନୁହେଁ

ଦୁଃଖ ନାହିଁ ଅଳିକ ଧରାରେ 

ସଵୁ ବିଲୀନ ହୁଏ |୯|