ସ୍ମୃତି ଓ ରଜ
ସ୍ମୃତି ଓ ରଜ
ନଇଧାରେ ବସି ଚହଲା ପାଣିରେ
ଅତୀତ ଦୃଶ୍ୟ ରାଜି
ଗୋଟେ ପରେ ଗୋଟେ ଚଳଚିତ୍ର ପରି
ମାନସ ପଟରେ ଭିଜି
ଗୋଡ଼ିଟିଏ ଫିଙ୍ଗି ପାଣି ଭିତରକୁ
ତରଙ୍ଗରେ ତାର ମଜ୍ଜି
ଦେଖିଲି ମୋ ପିଲାଦିନ ରଜ ପର୍ବ
ପଟୁଆର ରାଜି
ଅତୀତ ଗଲାଣି ଇତି ହୋଇ
ବର୍ତ୍ତମାନ ହୁଏ ହେଜି
କେତେ ଯେ ତଫାତ ଭାଇଚାରା ପ୍ରୀତି
ଗ୍ରାମ୍ୟ ଜୀବନ ଭୋଜି
ଶିଉଳିରେ ପାଦ ଖାସାଇଲି ଜାଣି ଶୁଣି
ବୋଧହୁଏ ଏଇ ଜୀବନର ରାଜି
ନୂଆ ଓ ପୁରୁଣା ଭିତରେ ସାମ୍ୟ ବୈଷମ୍ୟ
ଭିତରେ ମୁଁ ଯାଏ ହଜି
ଆଜି କଥା କେବେ କାଲିକୁ ନଥିବ
ମୋଡ ବଦଳିବା ସାର କାଜି
ସବୁଥିରେ ଅଛି ଭଲ କିଛି ଭେଲ
ଦୀପ ଦିଏ ମୁଁ ତେଜି
ପୁରୁଣାକାଲିଆ ଭାବନା ଦୂର୍ଭାବନା ଭିତରେ
ନିଜେ ହୋଇଯିବା ମାଜି।