ସ୍ମୃତି ଅମାବାସ୍ୟା ପୂର୍ଣ୍ଣମୀ ଜହ୍ନ

ସ୍ମୃତି ମୋର ନୀଳ ଜହ୍ନ

କେବେ କୋଇଲିର କୁହୁ

କେବେ ସମୁଦ୍ର ଜୁଆର ଢେଉ

ପୁନେଇଁ ରୁ ଅମାବାସ୍ୟା ଯାଉ

ସ୍ମୃତି ମୋର କୋଣାର୍କ ନର୍ତ୍ତକୀ

କେବେ ସେ କାରୁବାକୀ

କେବେ ପୋତାଶ୍ରୟ ମୁକସାକ୍ଷୀ

ସ୍ମୃତି ବାଇ ଚଢ଼େଇ ପରି ପକ୍ଷୀ

ସ୍ମୃତି ମୋର ମେଘ ରାତି

ବୈଶାଖ ତାତି ଶୀତର ରାଜୁତି

ପକ୍ଷୀ ଡେଣାର ଚଇତି

ସ୍ମୃତି ମୋ ନହେଉ ଇତି

ସ୍ମୃତି ସବୁଜ ବନାନୀ

କେବେ ଫୁଲ କାଦମ୍ବିନୀ

କେବେ ସିଂହ ବାହିନୀ

ସ୍ମୃତି କବିତାର ଆବାହନୀ

ସ୍ମୃତି ବି ମନ୍ଦାକିନୀ

ସ୍ମୃତି ଝରଣାରେ ପାଦ ଧୋଉ

ସ୍ମୃତି ମନ ପକ୍ଷୀ ଭାରି ଏକାକୀ

ସ୍ମୃତି ଭାବର ନାବରେ ପିରତି

ସ୍ମୃତି ସ୍ଵପ୍ନ ବିଧୁରା ମାୟାବିନୀ

ସ୍ମୃତି ଅରଣ୍ୟ ରୋଦନ କାଳ ରାତ୍ରୀ

କେବେ ଅମାବାସ୍ୟାର କଳା ଜହ୍ନ

କେବେ ପୁର୍ଣ୍ଣିମା ରାତିର ସୁନା ଜହ୍ନ ।