Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Panchanan Jena

Tragedy

3  

Panchanan Jena

Tragedy

ସ୍ମରଣେ ସ୍ମରଣୀୟ

ସ୍ମରଣେ ସ୍ମରଣୀୟ

1 min
150


ପୁରୁଷୋତ୍ତମ 

ଉଚ୍ଚ ବିଦ୍ୟାଳୟ ରତାଇ

ମନେ ପଡ଼ିଗଲେ

ଶବ୍ଦ ତନ୍ତ୍ରୀରେ 

ଶିରା ଧମନୀରେ

ହାଲୁକା ଶିହରଣ 

ଖେଳିଯାଏ ସାଇଁ ସାଇଁ ।


ମନ ମଗଜକୁ ଆସି ଯାଆନ୍ତି

ଧଳା ପୋଷାକରେ 

ଲମ୍ବା ମଣିଷଟିଏ

ସୁଠାମ ସୁନ୍ଦର ତନୁବଲ୍ଲରୀ 

ଜ୍ଞାନର ଗନ୍ତାଘର

ଆଦର୍ଶ ଶିକ୍ଷକ ନୀଳକଣ୍ଠ ସାରେ ।


ବହି ନ ଦେଖି 

 କହି ଚାଲନ୍ତି ଅନର୍ଗଳ

ଆମେ ସବୁ ମୌନୀ ପିଲାମାନେ

ପିଇ ଚାଲୁ ଜ୍ଞାନାମୃତ କଳ କଳ

ଅପଲକ ମୁଦ୍ରାରେ 

ଚେତନ ଅଚେତନ ଅବଚେତନ ଭଙ୍ଗୀରେ 

ଗୁରୁ-ଶିଷ୍ୟ ପରମ୍ପରାରେ ଛଳ ଛଳ ।


ସର୍ବଜ୍ଞ ଜ୍ଞାନମଣ୍ଡଳାଧିଶ୍ଵର

ସବୁ ବିଷୟରେ

ଗଣିତ ବିଜ୍ଞାନ ଭଳି କଷ୍ଟସାଧ୍ୟ ବ୍ୟାପାର

ଅତି ସହଜରେ 

ଦ୍ୱି-ଚକ୍ର ଯାନରେ ସମୟାନୁବର୍ତ୍ତିତା

ଅନୁଶାସନର ବତିଘର

ଛାତ୍ର ଛାତ୍ରୀ ଅଭିଭାବକ ମହଲରେ

ଆଦୃତ ଖଣ୍ଡମଣ୍ଡଳରେ ।


ମୋ ଜୀବନ ସରଣୀରେ

ପ୍ରଥମ ପର୍ଯ୍ୟାୟ

ଆଗକୁ ବଢିବାରେ ପଢିବାରେ

ବ୍ୟକ୍ତିତ୍ଵ ଗଢିବାରେ

ଆଦ୍ୟ ସହାୟ ।


ତୁମରି ସାଦର ସ୍ମରଣେ 

ମହାଶୟେଷୁ ବରଣେ

 ମାନନୀୟେଷୁ ଚରଣେ

ଚର୍ମଚକ୍ଷୁ ଦ୍ଵୟ ଶରଣେ

ଲୋତକାପ୍କୁତ ଭରଣେ

ପାଦପଦ୍ମେ ଅବିରତ ଭଣେ 

ଅଜ୍ଞାନ ଅକିଞ୍ଚନ ଜଣେ ।


ଆହେ ଜଗତ କରତା ବିଶ୍ଵବିଧାତା

ଯୁଗେ ଯୁଗେ ଆଲୋକବର୍ତ୍ତିକା

ଗୁରୁଜୀ ନୀଳକଣ୍ଠ

ଶ୍ରଦ୍ଧାଜୀ ବାଣୀକଣ୍ଠ

ନମାମୀ ଜ୍ଞାନକଣ୍ଠ

ଗୁରବେ ଆଦର୍ଶକଣ୍ଠ 

ଜନ ମନ ତନ୍ତ୍ରେ ଅମର ରହିବେ

ଯାବତ୍ ସୂର୍ଯ୍ୟ ଚନ୍ଦ୍ର ଆଖ୍ୟାୟିକା ।



Rate this content
Log in