ସମ୍ପର୍କ

ବିଶ୍ୱାସର ମାପକାଠିରେ ସମ୍ପର୍କର ଗଭୀରତା ମାପୁଛି

ତା ଚେହେରାର ଭଙ୍ଗୀ ଦେଖି ଛାତି ଭିତରଟା ଦେଖି ପାରୁଛି। 

ତା ନିଶ୍ୱାସର ତାପମାତ୍ରା ଅନୁରକ୍ତିର ଅଭିବ୍ୟକ୍ତି ପ୍ରକାଶ କରେ

ତା ଦେହର ଗନ୍ଧରୁ ମୁଁ ସମ୍ବନ୍ଧର ସୁବାସିତ ସୁଗନ୍ଧ ବାରୁଛି।

ଆତ୍ମୀୟତାର ସମ୍ମୋହନରେ ଭାଙ୍ଗିଯାଏ ଦର୍ପ ଅହଙ୍କାର

ଆକର୍ଷଣର ରଜ୍ଜୁରେ ଯେତେ ଅଛି ଆଭିମାନ ସବୁ ବନ୍ଧା ପଡିଛି।

କାନ କେବେ ଶୁଣିନାହିଁ ସମାଜର ଆଙ୍ଗୁଳି ଉଠା ପ୍ରଶ୍ନକୁ

ସବୁ ଭୁଲି ତାକୁ ଆପଣେଇ ନେବାର ନିଶା ଆଜି ଘାରିଛି।

ନିଶବ୍ଦରେ ବି ଭାବ ବିନିମୟ ଅନ୍ୟାୟାସେ ଚାଲିଛି

ସମ୍ପର୍କ ପ୍ରାଚୀର ଆଗେ ସବୁ ବାଧାବିଘ୍ନ ହାର ମାନିଛି।