ଫେରିବ କି ପୁଣି ଥରେ

ଫେରିବ କି ପୁଣି ଥରେ

ପ୍ରତୀକ୍ଷାରେ ତୁମର ମୁଁ ନିତି ଗଢେ ନିତି ଭାଙ୍ଗେ

କଳ୍ପନାର ବାଲିଘର ପ୍ରତି ନିଶିଥରେ 

ଫେରିବ କି ସତେ

ହାତ ଧରି ଚୁପି ଚୁପି ଅନ୍ଧାର ରାତିରେ

ଭିଜିବାକୁ ଜହ୍ନ ଜୋଛନାରେ 

ତୁମ ବାହୁ ବନ୍ଧନରେ 

ଆତୁରେ ଥିବି ଚାହିଁ ଅପଲକ ନୟନରେ

ତୁମ ଫେରିବା ସୁଖରେ ମୋର ମନ ଅଗଣାରେ 

ଫେରିବ କି ସତେ ପୁଣି ଥରେ

ମୋ ଅଗୋଚରେ କେବେ ଭିଜା ବସନ୍ତରେ

ଗୋଲାପି ଚିଠିରେ ହୃଦୟ ନିରବ ଡାକରେ

ପକ୍ଷୀରାଜ ଘୋଡ଼ା ଚଢ଼ି ସାଥେ ନେବ ପ୍ରୀତି ସବାରୀରେ

ହଜୁଥିବି ସମ୍ମୋହନେ ତୁମ ଶବ୍ଦ ଚାତୁରୀରେ

ଫେରିବ କି ସାଥି ପୁଣି ଥରେ ।।