ସମ୍ପର୍କ

ସମ୍ପର୍କ ଛାଡ଼ି ଯାଇଥିବା କାହାର ପାଦଚିହ୍ନ ପରି !!

ସହିବା ଆଉ ବହିବାର ଅମାପ ଶକ୍ତିର ନାମ ଆଜିର ସମ୍ପର୍କ !!

ବୟସ ଆଗେଇ ଯାଉଛି ସିନା ମନ କିନ୍ତୁ ଅଟକି ଯାଉଛି ବିଗତ ସ୍ମୃତି କୁ ସାଉଁଟି ,

ଭଲ ପାଇବାର ବସୋରା ବନରେ

ଯେଉଁଠି କେବେ ବି ଆସେନି ପତ୍ରଝଡ଼ାର ଋତୁ ।

ଏବେବି ଉଙ୍କିମାରେ ଏକ ନିଆରା ଆଉ ନିଆରା ସମ୍ପର୍କର ପରିକଳ୍ପନା ।

ସମ୍ପର୍କରେ ପାଇବାର ଆଶା ନଥାଏ ,

ସମ୍ପର୍କରେ ଅନ୍ୟର ମଙ୍ଗଳ କାମନା ଭରି ରହିଥାଏ ।

ସମ୍ପର୍କରେ ଅନ୍ୟକୁ ସୁଖ ପରୋଷି ବିନା ପ୍ରତ୍ୟାଶାରେ କେବଳ ଦୁଃଖ ସାଉଁଟି ପାରିଲେ ସମ୍ପର୍କ ଯେ ଚିରଦିନ ଜାଜ୍ଜଲ୍ୟମାନ ରହିପାରିବ ଏହା କେବଳ ପରିକଳ୍ପନା ମାତ୍ର ।

ସମ୍ପର୍କ !!

ସମ୍ପର୍କ ଟିଏ ଏଠି କାହିଁ??

ନେବାରେ ବନ୍ଧୁତା 

କିନ୍ତୁ ତ୍ୟାଗ ବେଳକୁ ସମ୍ପର୍କର ପରିଭାଷା ଚାଲି ଯାଇଥାଏ ଦୂରକୁ ଆଉ ବହୁତ ଦୂରକୁ

ଅନବରତ କୁହୁଳୁଥିବା ଅନୁଭଵର ଭାଷା ।

ଦେଖି ହୁଏନି କି ଦେଖେଇ ହୁଏନି ।

ବେଳେ ବେଳେ ଉଖୁରେଇ ଉଠେ

ଲହୁ ଲୁହାଣ ହୁଏ ମନ ,

ଅସ୍ତ ବ୍ୟସ୍ତ ଆସ୍ଵସ୍ତିର ଉପଲବ୍ଧିରେ 

ଜିଇଁ ରହେ ଜୀବନ ।

ଆଜିର ସମ୍ପର୍କ !!

କୋଳାହଳ ଶୂନ୍ୟ 

ନୀରବତା ପୁର୍ଣ୍ଣ ଅସହାୟତାର ବିକାର।

ସମ୍ପର୍କର ପ୍ରଥମ ସ୍ୱର

ଏକାନ୍ତରେ ଅନେକ ଏକାତ୍ମତାର ସାକ୍ଷର ।