ସମାଜେ ବଞ୍ଚୁ ଦୁହିତା

ସର୍କାରୀ ନିୟମ ବାଜୁଛି ଡିଣ୍ଡିମ

 ନାରୀ ସୁରକ୍ଷାକରଣ,

 ପୁରୁଷ ଓ ନାରୀ  ସମଭାଗିଦାରୀ

କେହି ନୁହେଁ ବଡ଼ସାନ ।

ସେବେକାର କଥା ଏବେ ଆଉ ନାହିଁ

ପୁଅ ଠାରୁ ଝିଅ ନ୍ୟୁନ ,

ଯୁଗ ଓଲଟିଛି  ସମୟ ଆସିଛି

ଏକ ନୁହେଁ ଆନୁ ଭିନ୍ନ ।

ସରକାରୀ ନୀତି ନାଲି ଫିତା ତଳେ

ତାହା ଅବା ଜାଣେ କିଏ ?

ଯିଏ ଅବା ଜାଣେ ଜାଣିକି ଅଜଣା

ନାରୀ ତ ଧର୍ଷିତା ହୁଏ ।

ସମ ଭାବ ଯଦି ରହିଛି ସମାଜେ

ହୁଅନ୍ତା କି ବଧୂ ପୋଡ଼ି ?

ଗଣ ବଳାତ୍କାର ବଳତ୍କାରୀ ସଂଖ୍ୟା

ଯାଆନ୍ତା କି ବଢ଼ି ବଢ଼ି ?

ଜନ୍ମର ପୂର୍ବରୁ ମାତାଙ୍କ ଗର୍ଭରୁ

କନ୍ୟା ଭ୍ରୂଣ ହତ୍ୟା ହୁଏ ,

ସୃଷ୍ଟିକାରୀ ଯଦି ହତ୍ୟାକାରୀ ହେଲେ

ରକ୍ଷା କରିବ ଯେ କିଏ ।

ଆସ ଆମେ ଆଜି ଶପଥ କରିବା

ବଦଳୁ ମାନସିକତା ,

ରାକ୍ଷସ ପ୍ରବୃତ୍ତି କରିବା ନିବୃତ୍ତି

ସମାଜେ ବଞ୍ଚୁ ଦୁହିତା ।