ସମାଜ ସୁଧାର
ସମାଜ ସୁଧାର
ସାମ୍ପ୍ରତିକ ସମାଜରେ ସମସ୍ୟା ଓ ତାର ସମାଧାନ......
(ସାଧବ ବୋହୁ ପ୍ରତିଯୋଗିତା ନିମନ୍ତେ)
####
ଘର,ପରିବାର, ସମାଜ ଆମର
ସମସ୍ୟା ଘେରରେ ଅଛି,
ଗଛର ମୂଳରେ ପାଣି ଢାଳି ଦେଲେ
ଛୋଟରୁ ବଡ଼ ହେଉଛି ।
ଘର ସଜାଡ଼ିଲେ ପରିବାର ପୂର୍ଣ୍ଣ
ଗାଆଁ ମଧ୍ୟ ସଜାଡ଼ିବ,
ଗାଆଁ ସୁଧାରିଲେ ସମାଜ ସୁଧାର
ଆପେ ଆପେ ହୋଇଯିବ ।
ଅମାନବିକତା ମନୁ ସଂକୀର୍ଣ୍ଣତା
ସମସ୍ୟା ବଢ଼ାଇଥାଏ,
ବୁଝି ବିଚାରିଣ କାର୍ଯ୍ୟଟି କରିଲେ
ପ୍ରମାଦ ପଡି ନ ଥାଏ ।
ନାରୀ ନିର୍ଯାତନା ସମାଜେ ଯାତନା
ହୁଏ ପୁଣି ଭୃଣ ହତ୍ୟା,
ମଣିଷ ପାଇଁକି ପରିବେଶ କ୍ଷୟେ
ଆସିଥାଏ ମହାବାତ୍ୟା ।
ବଧୂ ହତ୍ୟା ହୁଏ, ଭ୍ରୁଣ ହତ୍ୟା ହୁଏ
ହୁଏ କେତେ ଯେ ଦୁଷ୍କର୍ମ,
ଦାୟୀ ଏଠି ପୁଣି କାହାକୁ କରିବା
ମନ୍ଦ ପଡେ ତା'ର କର୍ମ ।
ନାରୀ ସାଜେ ପୁଣି ନାରୀପାଇଁ ଶତ୍ରୁ
ଭୁଲିଥାଏ ତା' ନିଜକୁ,
ନିୟମ କାନୁନ ମାନେ ନାହିଁ ସିଏ
ଜାବୁଡ଼େ ପରମ୍ପରାକୁ ।
ପ୍ରଗତି ଚାଲିଛି ଯୁଗ ବଦଳୁଛି
ବଦଳୁଛି ଢଙ୍ଗ ଢ଼ାଙ୍ଗ,
ସମସ୍ୟା ଘେରରେ ସମାଜ ରହୁଛି
ସଭିଙ୍କର ସିଏ ସାଙ୍ଗ ।
ବରଷା ଯଉଠି ଛତା ବି ସେଇଠି
ସଭିଏଁ ତ ନିରୁପାୟ,
ରକ୍ଷକ ଆଜି ତ ଭକ୍ଷକ ସାଜିଛି
ଜୀବନ ବି ବିପର୍ଯ୍ୟୟ ।
ଅଭୟାରଣ୍ୟରେ ଭୟବି ରହୁଛି
ଜୀବଜନ୍ତୁ ଭୟଭୀତ,
ଶ୍ରେଷ୍ଠଜୀଵ ଭାବେ ହୋଇ ବି ମଣିଷ
ହେଉଅଛି ଆତଙ୍କିତ ।
ଠାଏ ଠାଏ ନିଶା ଦ୍ରବ୍ୟ ବିକ୍ରିହୁଏ
ହୁଏ ପୁଣି ନିବାରଣ,
ଜଗତେ କେବଳ ଜନେ ତ ହସିବେ
କରିବ କିଏ ବାରଣ ।
ସବୁ ସମ୍ପତ୍ତିର କ୍ଷୟ ହେଉଅଛି
ନାହିଁ ତାର ପ୍ରତିକାର,
ସୁସ୍ଥ ସମାଜ ଗଠନ ହୋଇଲେ
ସୁଧାର ହେବ ଆମର ।
ଶିକ୍ଷାକ୍ଷେତ୍ର କଥା କିଏ ବା କହିବ
ପ୍ରଚେଷ୍ଟା ତ ଚାଲିଅଛି,
ତଥାପି ଜନତା ନିରକ୍ଷର ହୋଇ
ଏଣେ ତେଣେ ଭୁଲୁଅଛି ।
ସଚେତନ ବାର୍ତ୍ତା ପତିକ୍ଷେତ୍ରେ ଅଛି
ନାହିଁ କାହାର ଯତନ,
ପ୍ରତିଶୃତି ଦେଇ ଭୁଲିଯାଉଛନ୍ତି
ତଥାପି ସିଏ ମହାନ ।
ପ୍ରତିମୁହୂର୍ତ୍ତରେ ଅଶନ୍ତିର ଝଡ଼
ପୁଣି ହିଂସା ଓ ଛଳନା,
ସ୍ନେହ,ପ୍ରେମ, ପ୍ରୀତି ଖାପଛଡା ଆଜି
ସଭିଏଁ ତ ବାଟବଣା ।
ସତ୍ୟ ଧର୍ମ ନୀତି ବନ୍ଧା ପଡିଅଛି
ଅଧର୍ମ ପଥେ ପଥିକ,
ସମାଜ ସମସ୍ୟା ସୁଧାରିବ କିଏ
ସଭିଏଁ ଏଠି ଭକ୍ଷକ ।
ଜାତି ଧର୍ମ ,ଭେଦ ଭାବକୁ ଭୁଲିବା
ରଖିଥିବା ସମଭାଵ,
ସମାଜେ ଉନ୍ନତି ଆସିବ ନିଶ୍ଚିତେ
ପ୍ରଗତି ବି ଆମ ହେବ ।
ସମାଜ ସୁଧାର ଆଣିବାକୁ ହେଲେ
ଲୋଡ଼ା ଆମ ସଚେତନ,
ଯୁବପିଢି ଆମ କରିବେ ସମସ୍ତ
ସମସ୍ୟାର ସମାଧାନ ।
####
ସରିତା ମହାନ୍ତି ।
ଶିକ୍ଷୟିତ୍ରୀ ।
ବାଲେଶ୍ୱର ।
ବାଲିଆପାଳ ।
#####