ଭୁଲୁଛି ଶପଥ

ଜୀବନର ଲକ୍ଷ୍ୟ ସାଧନ ପାଇଁକି

ପିଲାବେଳୁ ତତପର,

ବାପମାଆଠାରୁ ଗୁରୁଗୁରୁଜନ

ଚିନ୍ତା କରିଥାନ୍ତି ତାର ।

ଛାତ୍ର ଜୀବନରୁ ଚରିତ୍ର ଗଠନ

ଗୁରୁଜୀ ଧ୍ୟାନ ଦିଅନ୍ତି,

ସଂସ୍କାର ସଂପନ୍ନ କରିବା ପାଇଁକି

ବାପା ମା ଲାଗିଥାନ୍ତି। ।

ଶିକ୍ଷିତ ହୋଇବ ଦେଶ ରକ୍ଷାହେବ

ପ୍ରଗତି ହେବଦେଶର,

ନିଜ କର୍ତ୍ତବ୍ୟରେ ଆଗେଇଚାଲିବ

ନାମ ରଖିବ ଗାଆଁର ।

ଶିକ୍ଷିତ ହୋଇଲା ଶପଥ ବି ନେଲା

ଭୁଲିବନି କର୍ତ୍ତବ୍ୟକୁ,

ନିଜ ଜୀବନକୁ ବାଜିଲଗାଇଣ

ବଢି ଚାଲିବ ଆଗକୁ ।

ଆଗକୁ ବଢିଲା ନାମକମାଇଲା

ବିବେକକୁ ହଜାଇଲା

ଲୋଭ ,କ୍ରୋଧ କାମେ ବସିଭୁତହୋଇ

ସପଥକୁ ଭୁଲିଗଲା ।

ସୁରକ୍ଷା ଦେବାକୁ ଶପଥ କରିବି

ଭୁଲୁଛି ତା କର୍ତ୍ତବ୍ୟକୁ,

ରକ୍ଷକ ହୋଇକି ଭକ୍ଷକ ସାଜିଲେ

ଦୋଷ ବା ଦେବା କାହାକୁ ।

ଅନ୍ୟାୟ ଅନୀତି ବଢିଚାଲୁଅଛି

ପ୍ରଭୁ ମଧ୍ୟ ଦେଖୁଛନ୍ତି,

ଅନ୍ୟାୟ ବିରୁଦ୍ଧେ ସ୍ୱରଉତ୍ତୋଳନ

କେହି ଆଜି ନକରନ୍ତି।

କଥା ଦେଇ ଯିଏ କଥା ରଖେନାହିଁ

ପଶୁ ତୁଲ୍ୟ ହୋଇଥାଏ,

ଶପଥ କଥାକୁ ମନରୁପାଶୋରୀ

ମଣିଷ ସେ ଭୁଲିଯାଏ।