ସଲାମ ନେତାଜୀ
ସଲାମ ନେତାଜୀ
ଜନ୍ମଦିନର ଶୁଭେଚ୍ଛା ଘେନ,
ହେ ମୋର ପ୍ରିୟ ନେତାଜୀ
ତୁମ ବୀରପଣ, ସାହସ ଅଗଣ୍ୟ,
ପାଇଛୁ ସ୍ୱାଧୀନତା ଆଜି |
ଧନ୍ୟ ହୋଇଲା ଏ ଉତ୍କଳ ମାଟି,
ତୁମ ପରି ବୀର କରି ପ୍ରାପ୍ତି,
ବୀର ଯବାନ, ତୁମେ ବଳୀୟାନ,
ଦେଶ ପାଇଁ ଜୀବ ଦେଲ ବାଣ୍ଟି |
ଟପ ଟପ କରି ଘୋଡା ଛୁଟାଇ, '
ଦିଲ୍ଲୀ ଚଲୋ' ଡାକରା ଦେଇ,
ତୁମ ଡାକ ଶୁଣି, ଲକ୍ଷ ଯବାନ
ବୀର ଦର୍ପରେ ଆସିଲେ ଧାଇଁ |
ରକ୍ତ ଦିଅ ମୋତେ, ଦେବି ସ୍ୱାଧୀନତା,
ଘୁରାଇ ଦେଲା ଲକ୍ଷ ଜନ ମଥା,
ତାତିଲେ, ମାତିଲେ ବୀର ଦର୍ପରେ,
ସ୍ୱରାଜ ପାଇଁକି ଶୁଣି ତୁମ କଥା |
ଇଂରେଜ ବଳ, ହେଲା ଟଳ ମଳ,
ଶୁଣି ଗର୍ଜନ, ଦେଖି ତୁମ ଦଳ
ପଛ ଘୁଞ୍ଚା ନାହିଁ ବୀରର ଜାତକେ,
ନ ପଳାଏ ସେ ଯେ ପରାଣ ଆତଙ୍କେ |
ଗୁଳି ବାରୁଦରେ ବର୍ଷଣ କଲେ,
ନ ଡରି ବଢିଲେ ବୀର ଦର୍ପରେ
ଡରିଲା, ଥରିଲା ସେ ବିଦେଶ ଛାତି,
ଦେଶ ଛାଡିବାକୁ ନେଲେରେ ନିଷ୍ପତ୍ତି |
ସଉଦା କଲେ ସେ ବୀରପୁତ୍ର ସହ,
ସ୍ୱରାଜ୍ୟ ବଦଳେ ମାଗିଲେ 'ସୁଭାଷ'
ବେଳକାଳ କିଛି ଅପେକ୍ଷା ନ କରି,
ରାଜି ହୋଇଗଲେ ନେତାଜୀ ସେକ୍ଷଣି |
ଏହା ଦେଖି ବିଦେଶୀ ନୋଇଁଲେ ମଥା,,
ଚାଲିଗଲେ ଦେଖି ସେ ସାହାସିକତା
ସମସ୍ତଙ୍କୁ ଫେରାଇଣ ସ୍ୱାଧୀନତା,
ଦେଶ ଛାଡିଗଲ, ଗଢ଼ିଣ ଏକତା |
ଆଜି ବି ଏ ଦେଶ ଗାଏ ତୁମ ଗାଥା,
ଶୁଭେଚ୍ଛା ଘେନ ଆହେ ବୀର ନେତା
ତୁମକୁ କରୁଛୁ ଅଶେଷ ସଲାମ,
ବୀର ପୁତ୍ର ତୁମେ ସ୍ୱାଧୀନ ସନ୍ତାନ |