ସଖୀ - ତମେ ମଧୁ ଝରା

ତମେ ଅଛ ବୋଲି 

ସୁଖରେ ମୁଁ ଅଛି

ତମେ ଏକ ଭାବଭୂମି

ଭାବଫୁଲର ଉଦ୍ୟାନ

ତମ ଭାବ ସିଞ୍ଚନରେ 

ଜୀବନରେ ଫୁଟେ ଗୋଲାପ

ସେବତୀ ଫୁଲ l

ତମେ ଅଛ ବୋଲି 

ନିଁତି ମୁଁ ତୋଳୁଛି

ଆକାଶର ନୀଳ ଅଙ୍ଗନରୁ

ଧରଣୀର ସବୁଜ କୁଞ୍ଜରୁ

ସୁନାର ମାଳ

ସେସବୁ ମୋ ପାଇଁ ସଖୀ 

ସ୍ୱର୍ଗର ନନ୍ଦନ ବନ l

ଜାଣିଛି ଗୋ ସଖୀ 

ତମେ ଏକ ରସ ଝର

ମକରନ୍ଦ ନିର୍ଝର

ତମେ ମଧୁ ଝରା

ତମେ ମଖମଲି ସୁଖ 

ତମେ ମୁକୁଳି ପଡିଲେ

ଖେଳିଯାଏ ଲକ୍ଷେ

କଦମ୍ବର ବାସ l

ତମେ ଅନ୍ଧାରର ଆଲୋକବିନ୍ଦୁ

ମୋ ଆକାଶର ପୂର୍ଣ୍ଣମୀ ଇନ୍ଦୁ

ମୋ କାମନାର ବିପୁଳା ସିନ୍ଧୁ

ତମେ ସୁବାସିତ କକ୍ଷ 

ସେ ବାସେ ମୋହିତ ଭ୍ରମର ମୁଁ ।