ସକାଳର ଜଣାଣ

ନିର୍ଜନ ରାତିରେ  ସୁପ୍ତ ଜଗତରେ

    ଆକାଶର ଭସା ଭସା

ବଉଦ କୋଳରୁ  ଚନ୍ଦ୍ରମା ଜୋଛନା

    ସ୍ନିଗଧ ମଧୁର ମିଶା!

ସେତିକି ବେଳରେ   ଅନୁଭବେ ଆସେ

    ପ୍ରାଣରେ ମଧୁର ସ୍ମୃତି

ମଧୁର ମୋହିନୀ   ସ୍ମିତ ହାସ୍ୟତଵ

    .. ଜୀଵନ ମନ୍ତ୍ରର ଗୀତି!

ଏକାନ୍ତରେ କ୍ରୀଡା   ନିତ୍ୟ ମଧୁମୟୀ

     ଆନନ୍ଦ ସଘନ ଲୀଳା

ସ୍ମରଣରେ ଆଣେ   ଭକ୍ତଟିଏ ପାଇଁ

     ଆତ୍ମ ବିଭୋର ବେଳା!

ସେତେବେଳେ ପ୍ରଭୁ   ଭୁଲିଯାଅ ସବୁ

     ବିଚାର ବିତର୍କ କଥା

ଦର୍ଶନ ସିଦ୍ଧାନ୍ତ   ଧାରା ମାନେ ଯେତେ

      ହରାଇ ନିଅନ୍ତି ବ୍ୟଥା!

ତୁମ ନିତ୍ୟ ରାସ   ଦେଖିବା ପାଇଁକି

     କୃପା କର ଶିରୋମଣି

ଜଗନ୍ନାଥ ନାମ   ମୋ ଗଳାର ହାର

      ହୃଦୟ ସାଇତା ମଣି