ସକାଳ

ରାତି ପାହିଲେ ସକାଳ ହୁଏ

ସକାଳ ହେଲେ ସୁରୁଜ ଉଏଁ |

ଖୋଲା ଆକାଶରେ କାଉ ରାବଇ

ରାବି ରାବି ନିଜ ଖାଦ୍ୟ ଖୋଜଇ |

ସକାଳେ ହେଲେ ଫୁଲଟି ଫୁଟେ

ପାହାଡ କୋଳେ ଝରଣା ଛୁଟେ |

ମନୋରମ ଭରା ଦୃଶ୍ୟରେ

ପ୍ରକୃତିର ଏହି ଶୋଭାରେ |

ସୁରୁଜ ଟିକେ ଦେଲେରେ ହସି

ପକ୍ଷୀଟି ଡେଣା ହଲାଏ ବସି |

ଚାଲରେ ଯିବା ଇସ୍କୁଲ ଭାଇ

ଆମର ଆଉ ବିରତି ନାହିଁ |

ମିଠା ମିଠା ଫୁଲର ହସରେ

ଗୁଣୁ ଗୁଣୁ ହୋଇ ଗାଏରେ |

ଗାଏ ଭ୍ରମର ଫୁଲ ରେ ଥାଇ

ଆଶ୍ୱାସନାକୁ ଦିଏ ବିଛେଇ |

ଅନ୍ଧକାରକୁ ଦେଇ ଦୂରେଇ

ପ୍ରତୀକ୍ଷା ଆମ ଆଲୋକ ପାଇଁ |

ସେହି ଆଲୋକେ ଆଗେ ଚଳିବୁ

ଦେଶକୁ ଆମ ଆଗେଇ ନେବୁ |