ଋତୁରାଜ ବସନ୍ତ

ଫଗୁଣ ପତରେ ଋତୁରାଜ ବସନ୍ତ

ଲେଖିଛି କି ପ୍ରେମ କବିତା

ବସନ୍ତ ପ୍ରେମିକା କିଏ କାହିଁ ଅଛ

କୋଇଲି କହେ ଦିଅ ବାରତା l

ମଳୟ ହାତରେ ଚିଠି ଲେଖିଥିଲା

ବସନ୍ତ ଆଗୁଆ ହୋଇକି କଥା

ବରଷା ଭିତରେ ଚୁପ ବସିନି ବସନ୍ତ l

ଉପହାର ଟିପ ଟିପ ମେଘର ସତ୍ତା

ବୁଝିଲାନି ସେଇ ଅମାନିଆଁ ପ୍ରିୟା ବସନ୍ତର

ଏବେ ହଳଦୀ ବସନ୍ତ ପାଉଛି ବ୍ୟଥା

ପକ୍ଷୀଟେ ନଭାବି ପ୍ରଥମ ପ୍ରେମ ସ୍ତବକକୁ 

ପଠେଇଥିଲା ପକ୍ଷୀକୁ ଭାବି ହର୍ତ୍ତା କର୍ତ୍ତା l

କେମିତି ଜାଣିବ ଋତୁରା଼ଜ ବସନ୍ତ ଏଠାରେ

ବୁଝେନାହିଁ କେହି କାହାରି କଥା

ବୁଝୁନି ବସନ୍ତ କେହି ଜାଣନ୍ତିନି କିଏ ତାଙ୍କରି 

ପ୍ରିୟା ମଉନାବତୀ ନା ଲବଙ୍ଗଲତା l

ବସନ୍ତ ଆସିବ ମଳୟ ବହିବ ଫଗୁଣ କହିବ

ମଧୁର ପ୍ରେମର ବାର୍ତ୍ତା

ଯିଏ ହେଉ ଯାର ପ୍ରେମିକା ବା ପ୍ରିୟା ବସନ୍ତ

ବୁଝିବ ଜାଳିବ ହୃଦୟ ସଳିତା l

ଯିଏ ଯାର ବଧୂ କନକ ବରଣା ଓ କନକ ଚମ୍ପା

ବସନ୍ତରେ ପ୍ରେମ ଲେଖି ଛନ୍ତି ଭାଗ୍ୟବିଧାତା

ଋତୁରାଜ ବସନ୍ତ ରାଜ କରିବେ ଧରଣୀରେ

ପିକ କୁହୁ କୁହୁ କହି ଦିଏ ବାରତା l

ଯେତେ ଋତୁ ଆସୁ ଯାଉ ଋତୁରାଜ ଆସିଲେ

ମନ ବୃନ୍ଦାବନେ ଅଳସୀ ଲତା

ଫୁଟାଏ ଫୁଲ ମାଖି ଝରାଫୁଲ ଓ ଝୁମୁକା

ଋତୁରାଜ ବସନ୍ତ ଲେଖିବେ ପ୍ରେମ କବିତା l

ଜୀବନେ ବସନ୍ତ ଧରାରେ ଋତୁରାଜ ବସନ୍ତ

ଆସିଲେ ଫୁଲ ପତରରେ ଲେଖା କବିତା

ସବୁଜ ଶାଢ଼ୀ ପଣତରେ ଧରଣୀ ମାତା

ଦିଶିବ ସୁନ୍ଦର ମାଆ ମନ ତାର ଭାଗବତ ଗୀତା l