ସଜ ଗୋଲାପ
ସଜ ଗୋଲାପ
1 min
548
ଶିଶିର ଲେଖିଲା ଗୋଲାପ ଦେହରେ
ପ୍ରୀତିର ଅବୁଝା ଭାଷା
ଶେଫାଳୀର ଆଖି ଜଳି ଉଠୁଥିଲା
ଜାଳୁଥିଲା ତାକୁ ଇର୍ଷା I
ଅନ୍ଧାରର କଳା ପଣତ ତଳେ ସେ
ପିନ୍ଧିଥିଲା ଶୁଭ୍ର ବାସ
ଚତୁର୍ଦ୍ଦିଗେ ତାର ସୁବାସ ଛୁଟାଇ
ଡାକୁଥିଲା ପାଖେ ଆସ I
ଉଜାଗରେ ରାତି ପାହି ଯାଉଥିଲା
ଭ୍ରମର ଆସେନି ପାଶେ
ପ୍ରୀତିର ଆକାଶେ ଆଶ୍ୱୀନର ରଙ୍ଗ
ତା ଆଖିକୁ ଫିକା ଦିଶେ I
ଝରିଯାଏ ଯେବେ ଶେଫାଳୀର ଶିରୀ
ରାତି ଆସେ ପାହି ପାହି
ଚେଇଁ ଉଠିଲାଣି ଗୋଲାପ କଳିକା
ଆଖି ବୁଜିଲାଣି କଇଁ I