ସିନ୍ଦୂର

ସିନ୍ଦୂର କୁ ଅବା କିଏ ଭାବେ ଖେଳଘର

କିଏ ଭାବେ ତାକୁ ବନ୍ଧନର ଡୋର।

କାହା ପାଇଁ ପୁଣି ସାଜେ ଅଭିନୟ

କାହା ପାଈ ସିଏ ସାଜେ ପରିବାର।

ପଥର ଟିଏରେ ସିନ୍ଦୂର ଲାଗିଲେ

           ଦେବୀ ରୂପେ ପୂଜା ପାଏ।

ନାରୀର ମଥାରେ ସିନ୍ଦୂର ଲାଗିଲେ

           କେତେ କର୍ତ୍ତବ୍ୟ ରେ ବନ୍ଧା ହୁଏ।

ବିବାହ ବେଦିରେ ସିନ୍ଦୂରକୁ ନେଇ 

           ସଂପର୍କ ତ ଗଢା ହୁଏ।

ସେହି ସଂପର୍କର ଡୋର ସାତ ଜନ୍ମ ପାଇଁ

           ଦୁଇ ଦିନର ସେ ନୁହେଁ।

ସତୀତ୍ୱର ଗାଥା ସିନ୍ଦୂର ପ୍ରମାଣ ଦିଏ

          ପ୍ରତି ନାରୀର ଗର୍ବ ସିଏ

ସିନ୍ଦୁରକୁ ପିନ୍ଧି ମଶାଣୀକୁ ଯାଏ

          ଦୁନିଆରେ ଚର୍ଚ୍ଚା ହୁଏ।