ସିନ୍ଦୂର

ଭାରତ ର ଭୂସ୍ବର୍ଗ କାଶ୍ମୀର 
     ମାଟି ଭିଜିଥିଲା ସନ୍ତାନଙ୍କ ରୁଧିରେ 
ଧର୍ମ ନିରପେକ୍ଷ ରାଷ୍ଟ୍ର ଆମର 
      ଲଭିଲା କଷଣ ବିଧର୍ମୀଙ୍କ ପ୍ରହାରେ l

     ହରଣ କରିଲା ପତିର ପରାଣ 
        ଶୂନ୍ୟ କରି ସୌଭାଗ୍ୟର ସିନ୍ଦୂର 
    ଧର୍ମ ଉପରେ ନିଷ୍ଠୁର ପ୍ରହାର 
        ଆତଙ୍କୀ ଙ୍କ ସେହି ନରସଂଘାର l

 ପ୍ରତିଶୋଧ ବହ୍ନି ଉଠିଲା ଜଳି 
   ତୀବ୍ରେ ପ୍ରତି ଭାରତୀୟଙ୍କ ପ୍ରାଣେ 
ରଣ ହୁଙ୍କାରେ ଥରିବ ବଇରୀ 
     ଗଡାଇବ ଶତ୍ରୁ ଶିର ରଣେ l

ଭାରତ ଜନନୀର ଜାଗ୍ରତ ପ୍ରହରୀ 
     ଧନ୍ୟ ତୁମେ ବୀର ଗଣ 
ନିଶବ୍ଦ ରାତ୍ରିର ବିଜନ ବେଳେ 
   ଆକାଶ ମାର୍ଗୁ କଲ ଆକ୍ରମଣ l

ଧ୍ୱସ୍ତ ବିଧ୍ୱସ୍ତ ଆତଙ୍କୀ ଶିବିର 
      ଖେଳିଛି ଆତଙ୍କ ଶତ୍ରୁ ପରାଣେ 
ମିଶନ 'ସିନ୍ଦୂର 'ରଚିଛି ବିନାଶ 
  ବର୍ଷି ଅନଳ ପ୍ରତିଶୋଧ ପାରାୟଣେ l