Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lunar Das

Romance Tragedy

4  

Lunar Das

Romance Tragedy

ସିକ୍ତ ଅନୁରାଗ

ସିକ୍ତ ଅନୁରାଗ

1 min
238



ସେ ଧୂଁଆଳିଆ ଆବେଗ ଗୁଡ଼ିକୁ ଏଡ଼ାଇ ଏଡ଼ାଇ

ମୁଁ ତ ଚାଲି ଯାଇଥିଲି ଅନେକ ଦୂରକୁ

ଯେବେ ତୁମର ଛବିଟିଏ

ଆଖି ଆଗକୁ ଆସିଲା,

ପୁଣି ହଜିଗଲି ତୁମରି ସ୍ମୃତିରେ........।


କିଛି ସିକ୍ତ ଅନୁରାଗ

ମୋ ସମର୍ପଣ ରାସ୍ତାର

ପାବନ୍ଧି ଟିଏ ଥିଲା

ସେ ବନ୍ଧନରେ ଘୃଣା ନ ଥିଲା,

ରାଗ ବି ନ ଥିଲା

କେବଳ ଥିଲା ଆଞ୍ଜୁଳାଏ ଅଭିମାନର

ଗୋଲାପୀ ପାଖୁଡ଼ା.


ଏକାନ୍ତରେ ଗୁଞ୍ଜରିତ ହେଉଥିବା

ମଧୁର ସଙ୍ଗୀତ.....

ଜୀବନର ଲମ୍ବା ରାସ୍ତାରେ

ତୁମ ଅନୁଭଵର ପୂର୍ଣ୍ଣତା ।


ମୁହୂର୍ତ୍ତଟିଏ ତ ମାଗିଥିଲି ମୋ ପାଇଁ

ତୁମ ଭାରାକ୍ରାନ୍ତ ଶ୍ରମରେ

ଢୁଳାଇ ପଡୁଥିଲା ସାମୁଦ୍ରିକ ଆଖିରେ।


ଅତଳ ଗଭୀରତାରେ

ଡୁବି ରହିଥିବା ମୁଁ

ମୋ ନୀରବତାର ଅର୍ଥ

ଅନ୍ତରୀକ୍ଷରୁ ପାଇଥିବା ନିର୍ମାଲ୍ୟର

କିଛି ଅଂଶ......

ସବୁ ବୁଝି ବି ଅବୁଝା ଥିଲ ତୁମେ ।


ତୁମରି ରାସ୍ତାରେ 

ଗୋଡ଼ି ପଥର ସବୁକୁ

ଉଠାଇ ଚାଲିଛି,

ସମତଳ କରିବାଜୁ

ତୁମେ ଯେ ଆସିବ,

ସେଇ ପାଦ ଚଲା ରାସ୍ତାରେ ।


ପ୍ରକାଶର ପ୍ରଥମ ପ୍ରହରରେ

ଅମୃତ ବେଳାର ଶ୍ରଦ୍ଧାରେ

ସବୁ ଦିନ ପରି.......।


ଆଜି ବି ଶୋଇ ରହେନି ମୁଁ

ସେଇ ଫର୍ଚ୍ଚା ଫର୍ଚ୍ଚା

କୁହୁଡ଼ିର ସକାଳରେ ।


ପାହାନ୍ତିଆ ବାଷ୍ପରେ

ଝାଳେଇ ପଡ଼ିଥିବା ଦୁବମାନେ କହନ୍ତି,

ଆମେବି ଅପେକ୍ଷାରେ ଅଛୁ

ଆତ୍ମୀୟତାର ସ୍ପର୍ଶକୁ ନେଇ ଆସୁଥିବା

ପାଦତଳେ ସିକ୍ତ ଅନୁରାଗରେ 

ଦବି ହୋଇ ଯିବାକୁ ।



Rate this content
Log in