ସିଏ ଆସିବେ ବୋଲି

ଏମିତି କେତେ କିଏ ଆସିବେ ବୋଲି

ଚାହିଁ ଚାହିଁ ଆଖି ପାଣି ଆଖିରେ ଶୁଖେ ଖାଲି

ଋତୁ ସବୁ ବେହୋସ ଆସନ୍ତି ଫେରିଲେ ହୋସ

ଦେଖୁନ ବର୍ଷା ଖେଳୁଛି ଖେଳ ଧରି ତାର ଫୋର୍ସ

ପକ୍ଷୀ ଗୁଡା ଏବେ କରନ୍ତି ମନମାନୀ

କାଉ ସକାଳୁ କା କା ଆଜିକାଲି ରାବୁନି

ପଶୁଙ୍କ କଥା ନକହିଲେ ଭଲ

ଖାଇବା ପିଇବା ଆଶ୍ରୟ ଦେଲେ ଦାତାର କରନ୍ତି ଭେଲ

ଆଉ ରହିଲା ଦେବୀ ମାନଙ୍କ କଥା

କାଶତଣ୍ଡୀ ଏବେ ଖାଲି ଗପୁଛି ଅନେକ କଥା

ଦଶହରାରେ ଦୁର୍ଗା ଦୀପାବଳୀରେ କାଳୀ ମାତା

ସାବିତ୍ରିରେ ସତୀ ଆସୁନାହାଁନ୍ତି ଖାଇବାକୁ ଭୋଗ ପଂକ୍ତି

ସବୁ ଅସୁବିଧା କଣ ମଣିଷ କରେ

ଦେବୀ ମାଆ ମାନଙ୍କ ନାହିଁ ହାତ ଜମା ଏଥିରେ?

ସୀତା ଅଶୋକ ବନରେ ଦୁର୍ଗା ଖୋଜନ୍ତି ମହିଷାଅସୁରେ

କାଳୀ ଶିବଙ୍କ ଛାତିରେ ଚଢ଼ି ହାତେ ଜିଭ କାମୁଡି 

ସରସ୍ବତୀଙ୍କ ବୀଣା ଵାଦନେ ଫୁଲ କଢି

ଲଷ୍ମୀ ମାଆ ମାଣ, ପୋଥି ପତ୍ର ପେଡି

ଖୋଲି ସଧବା ଖଟୁଲି ଗଉଣି ପୁଟୁଳି ପେଡି

ଉଭୟ ହାତେ ବାଜି ତାଳି ବାସି ଭୋଗ ଥାଳି

ନାନା ମାରନ୍ତି ତାଳି କହି ଉଠା ଥାଳି

ବୋଉ କରୁଛି ଛୁଞ୍ଚିପତର ଚିତଉ ଚକୁଳି

ମାଆ ପଧାରିଲେ ଦେବ ଭୋଗ ସରପୁଳି ଘୃତ କେଳି

ଦେବୀମାନେ ମିଳି ହୋଇ କୋଳାକୋଳି

ଆଉ ଶୁଣୁ ନାହାଁନ୍ତି ଭକ୍ତ ଅଳି ବତୀ ଯାଏ ଜଳି

କ୍ଷମା କର ମାତ ଭୁଲ ଥିଲେ ଦଶ ଦୋଷ

ଦିଅ କ୍ଷମା କରି ମାଆ ଦଶଭୁଜା ବିରଜା କାଳୀ ।।