ସିଧାକଥା -7

ଏମିତି କଥା କହିବା ଆମେ ଶ୍ରୋତା ରହିବେ ଚାହିଁ,

ଆହୁରି କୁହ ଆହୁରି କୁହ ସେ ଶ୍ରୋତା ଦେବ କହି |

ଶୁଣିବା ଆମେ କହିବା ଲୋକ ଆହୁରି କହୁଥିବ,

ଶୁଣିବା କଳା ଜାଣି ନ ଥିଲେ କହିବା ବୃଥା ହେବ |

ଚାଲିବା ବାଟ ନ ଦେଇ କଷ୍ଟ ଯାଉଥିଲେ କେ ଆଉ,

ଅନୁମନସ୍କ ହୋଇବା ନାହିଁ ଆଗେ ଗଲେ କେ ଯାଉ |

ଖାଇବା ସିନା ନିଜ ରୁଚିରେ ହାଲୁକା ରଖି ପେଟ,

ଶୋଇବା ଶୀଘ୍ର ଉଠିବା ଶୀଘ୍ର କରିବା ନାହିଁ ମଠ |

ପିଇବା ପାଣି ଥରକୁ ଥର ରଖିବା ତାକୁ ଢାଙ୍କି,

ବସିବା ଦେଖି ଉଚ୍ଚ ଆସନ ନିଜ ମହତ ରଖି |

ପଢିବା ପାଠ ଏମିତି ଯାହା କାମରେ ଲାଗୁଥିବ,

ଅର୍ଜିବା ଧନ ଯେମିତି ତାହା ବିପଦେ କାମ ଦେବ |

ସହିବା ସିନା ଦୁଃଖ ଯାତନା ରୋଗ ବିପଦ ବେଳେ,

ହସିବା ପୁଣି ଖୋଲା ମନରେ ସାଙ୍ଗ-ସାଥିଙ୍କ ମେଳେ |