ସିଧାକଥା-37 ଶ୍ରେୟ କାହାର ?

ପ୍ରକୃତି ରଚିଛି ବିଚିତ୍ର ସଂସାର ରୂପ ତା'ର ମନୋହର

ତାକୁ ଦେଖି କେହି ଆଙ୍କିଦେଲେ ଛବି ସବୁଶ୍ରେୟ ହୁଏ ତା'ର |

କାହାଣୀ ଲେଖକ ନିର୍ଦ୍ଦେଶକ ପୁଣି କଳ୍ପନା କାହାର ଥାଏ,

ସିନେମା ନାୟକ ନାୟିକାମାନଙ୍କୁ ଶ୍ରେୟତକ ମିଳିଯାଏ |

ଜନତା ଧନରେ ଜନତା ବଳରେ ସୁନା ହେଇଥାଏ ଦେଶ,

ଆମେ କରିଦେଲୁ କହି ବୁଲୁଥିବେ ନେତା ମୋଡୁଥିବେ ନିଶ |

ସୀମାରେ ସୈନିକ କ୍ଷେତରେ କୃଷକ କାମରେ ଶ୍ରମିକ ଥିବେ,

ବଡ ଅଫିସର ପେଣ୍ଠୀ ଠିକାଦାର ସବୁଯାକ ଶ୍ରେୟନେବେ |

ଲେଖନ୍ତି ଲେଖକ କବି ଦାର୍ଶନିକ ଛପାନ୍ତି ପଇସା ଦେଇ, 

ପ୍ରଶଂସା ବେଳକୁ ପ୍ରକାଶକ ଆସି କହିବେ ସେ ମୋର ବହି |

ବାପା ଦେବେ ଧନ ମାଆ ଦେବେ ମନ ପିଲା ହେବ ଟିଉସନ,

ପ୍ରଧାନ ଶିକ୍ଷକ ହେବେ ପ୍ରଶଂସିତ ବିଦ୍ୟାଳୟ ହେବ ଧନ୍ୟ |

ଗାଆଁ ଟୋକା ମିଶି ଚୋରକୁ ଧରନ୍ତି କେତେ କଉଶଳ କରି,

ଥାନାକୁ ଡକେଇ ପୁଲିସ କହିବ କଷ୍ଟରେ ଆଣିଛୁ ଧରି |

ଉଡ଼ିଯିବା ଖଇ ଗଛ ଫୁଲ ଫଳ ଈଶ୍ଵରଙ୍କୁ ପ୍ରାପ୍ତିହେଉ,

ବହିଯିବା ପାଣି ଖସିଯିବା ମାଛ ଆମର ହେଇକି ଥାଉ |