ସିଧାକଥା-110 : କବିତା : ଦୁଃଖ ସଙ୍ଗେ ସୁଖ, ଦୁଷ୍ଟ ସଙ୍ଗେ ଶିଷ୍ଟ ଯୁଗଯୁଗର ମିଳନ
ସିଧାକଥା-110 : କବିତା : ଦୁଃଖ ସଙ୍ଗେ ସୁଖ, ଦୁଷ୍ଟ ସଙ୍ଗେ ଶିଷ୍ଟ ଯୁଗଯୁଗର ମିଳନ
ଭଲ ସଙ୍ଗେ ମନ୍ଦ ମିଶାଇ ରଖିବା ହେଉଛି-ପ୍ରକୃତି ନୀତି,
ନିଆଁ ତ ରହିବ ପାଣି ବି ରହିବ, ବିଚିତ୍ର ଈଶ୍ୱର ସୃଷ୍ଟି |
କୋଇଲା ରହିବ ହୀରା ବି ରହିବ କଣ୍ଟକ ସହିତ ଫୁଲ ,
ବରଫ-ତେଜାପ ମିଶି ପୃଥିବୀରେ ହୋଇବେ ମଜାରେ ଗେଲ |
ଚନ୍ଦନ ବଣରେ ବାଇଡ଼ଙ୍କ ଗଛ ବିଛୁଆତି ରହିଥିବେ,
ଖାଦକ ପାଖରେ ଖାଦ୍ୟ ନ ଥିଲେ ବି ଖାଦ୍ୟ ତା' ପାଖକୁ ଯିବେ |
ଦେଵାତ୍ମା ପୁଣ୍ୟାତ୍ମା ମହାତ୍ମା ସହିତ ପ୍ରେତାତ୍ମା ରହିବେ ମିଶି,
ତଳେ ଦୁବ ଥାଇ ବାଉଁଶକୁ ଚାହିଁ ଦେଉଥିବ ଟିକେ ହସି |
ମହୁମାଛି-ପ୍ରଜାପତି ତ ରହିବେ କୀଟ-ଭଅଁର ବି ଥିବେ,
ସୁନ୍ଦର ସୃଷ୍ଟିରେ ଅସମାନ ଥିଲେ ସମତୁଲ କରିଦେବେ |
ଖାଲି ଭଲ-ଶାନ୍ତ ସୁଖ କି ସୁନ୍ଦର ରହେନାହିଁ ବେଶିଦିନ,
ଦୁଃଖ ସଙ୍ଗେ ସୁଖ ଦୁଷ୍ଟ ସଙ୍ଗେ ଶିଷ୍ଟ ଯୁଗଯୁଗର ମିଳନ |