ସିଧାକଥା -108 : ପାଦଧୁଆ : -ଡକ୍ଟର କୃତ୍ତିବାସ ନାୟକ

ଆମ ସଂସ୍କୃତିରେ ପାଦ ଧୋଇଦେବା ହେଉଛି ବିଶେଷ ଅଙ୍ଗ,

ଶତ୍ରୁର ପାଦକୁ ଧୋଇଦେଲେ ମଧ୍ୟ ହୋଇଯିବ ସିଏ ସାଙ୍ଗ |

ମୁନି-ଋଷି-ସାଧୁ ଅତିଥିଙ୍କ ପାଦ ଧୋଊଥିଲେ ନୃପବର,

କୃଷ୍ଣ ଧୋଇଥିଲେ ସୁଦାମା ପାଦକୁ ଦୁଃଖ ହୋଇଗଲା ଦୂର |

ଆମର ଅତିଥି ଦେବତା ସମାନ ତାଙ୍କୁଦେଇ ପିଢା-ପାଣି,

ପାଦ ଧୋଇଦେଇ ଶଙ୍ଖୋଳି ନିଅନ୍ତି ଘରଣୀ ଓଢଣା ଟାଣି |

ବର ଆସିଗଲେ ଭାବୀ ଶ୍ଵଶୁର ଯେ ଆଗ ଧୋଇଦେବେ ପାଦ,

ବରଯାତ୍ରୀ ପାଇଁ ପିଢା-ପାଣି ଦେଇ ଶଙ୍ଖୋଳିବେ ତାଙ୍କୁ ଆଗ |

ପାଦ ଧୋଇଦେଲେ ତନୁ-ମନ ସିନା ସୁସ୍ଥ-ଶାନ୍ତ ହୋଇଯାଏ,

ନମ୍ର-ଭଦ୍ର ଆଉ ମହତ ପଣିଆ ସେଥିରୁ ଉତ୍ପନ ହୁଏ |

କାମ ଘେନି ଫଳ ସଂସ୍କୃତି ଦୁର୍ବଳ ପାଦଧୁଆ ଆଉ ନାହିଁ,

ଶୁଭ ମୁହୂର୍ତ୍ତରେ ଗାଳି-ମାଡ଼ଗୋଳ, କ୍ରୋଧ ବଢେ ସେଥିପାଇଁ |

ଆମର ପୂର୍ବଜ ଖଞ୍ଜିଦେଇଥିଲେ ଭାବିଛିନ୍ତି ରୀତିନୀତି,

ସଂସ୍କୃତି ଆମର ବିଜ୍ଞାନ ସମ୍ମତ ନ ମାନି କରୁଛୁ କ୍ଷତି |