ସିଡ଼ିଏସ୍ ବିପିନ ରାୱତ

      ଭାରତ ଭୂମିରେ ଜନ୍ମ ଲଭିଛନ୍ତି

   କେତେ ଯେ ଦେଶପ୍ରେମୀ,ଗୁଣୀ,ବିଦ୍ଵାନ,

     ତ୍ୟାଗ, ବଳିଦାନ ଦେଇ ଲେଖିଛନ୍ତି

       ଇତିହାସ ପୃଷ୍ଠେ ନିଜ ନାମ l

      ଥିଲେ ସେ ଜଣେ ବୀର ପୁଙ୍ଗଵ

       " ସିଡ଼ିଏସ୍ ବିପିନ ରାୱତ "

     କେ' ଭୁଲି ପାରିବ ଦେଶର ଗୌରବ

      ଦେଶ ଜାତି ଲାଗି ସ୍ଵୟଂ ସର୍ମପିତ l

      ଶତୃ ପକ୍ଷ ଆଗେ ରହିଥିଲେ ସଦା

       ବିନ୍ଧ୍ୟ ହିମାଳୟ ଭଳି ବ୍ୟକ୍ତିତ୍ୱ, 

      ଭାରତ ମାତାର ସୁଯୋଗ୍ୟ ସନ୍ତାନ 

        ଅତୁଳନୀୟ ସେ ବୀରତ୍ୱ l

     ମୁଖ୍ୟରକ୍ଷକ ହୋଇ ଦେଇଥିଲେ ବଡ଼ 

          ବ୍ୟକ୍ତିତ୍ୱର ପରିଚୟ., 

      ରକ୍ଷାକର୍ତ୍ତ୍ରୀ ହୋଇ ଦେଉଥିଲେ ଡ଼ାକ 

         "ଭାରତ ମାତା କି ଜୟ" l

       ସେ ମାଟି ମା'ର ସୁରକ୍ଷା କରିବା 

         ଗୁରୁ ଦାୟିତ୍ଵ ଥିଲା ତାଙ୍କର, 

       କହିଥିଲେ ଦିନେ ମୁଁ ସତରେ ଗର୍ବିତ 

          ସଭିଏଁ ମୋ ପରିବାର l 

        ଶରୀର ତାଙ୍କ ଶିରା ପ୍ରଶିରାରେ 

          ପ୍ରବାହିତ ଦେଶପ୍ରେମ., 

       ଦେଶ ସ୍ଵାର୍ଥ ହିତେ ପ୍ରାଣବଳି ଦେଇ 

          ପାଳିଛନ୍ତି ସିପାହୀ ଧର୍ମ l 

        ପ୍ରତି ବ୍ୟକ୍ତି ପାଇଁ ତାଙ୍କ ଆଦର୍ଶ 

           ଅଟଇ ଗାରିମାମୟ., 

       ତାଙ୍କ ସଚ୍ଚୋଟତା, ପ୍ରଜାବତ୍ସଳତା 

          ଅନ୍ୟ ପାଇଁ ଶିକ୍ଷଣୀୟ l 

       ଅବିଶ୍ଵାସ ଲାଗେ ମୃତ୍ୟୁ ସମାଚାର 

          ଜୀବନ ଯାତ୍ରାର ରହସ୍ୟ 

     ତାଙ୍କରି ବିୟୋଗେ ଦୁଃଖୀ ହେଲା ଦେଶ 

          ସ୍ତବ୍ଧ ହେଲା ପ୍ରତି ମଣିଷ l 

       ହଜିଗଲେ ଆଜି ସବୁ ଆଶା ଭାଜି 

          ଚିର ଅମଳିନ ତାଙ୍କ ଗାଥା, 

        ତାଙ୍କ କିର୍ତ୍ତୀ ରାଜି ଝୁରୁଛି ଆଜି 

        ସେ ଭାରତର ଓଜସ୍ଵିନୀ ବକ୍ତା l 

        ଏତିକି ପ୍ରାର୍ଥନା ଜଗତନାଥଙ୍କୁ 

           ଆଶୀର୍ବାଦ ଦିଅ ବିଭୁ., 

       ପରଲୋକେ ସେହି ମହାପୁରୁଷଙ୍କ 

           ଆତ୍ମା ଚିର ଶାନ୍ତି ଲଭୁ l