ଶ୍ୟାମା କାଳୀ

ଦୁର୍ଗା ମାତା ଶ୍ୟାମା କାଳୀ ମାତା ମାହେଶ୍ୱରୀ

ମଙ୍ଗଳ କାରିଣୀ ମାଗୋ ଯେ ସଂହାରକାରୀ l

କାଳିମା ନାଶନ କରୁ ତୁହି ମହାକାଳୀ

ସନ୍ଥଙ୍କୁ ପାଳନ କରୁ ଶକ୍ତି ଭଦ୍ରାକାଳୀ l

ଅସୁର ନାଶିନୀ ଦେବୀ ତ୍ରିଶୂଳ ଧାରିଣୀ

ଖର୍ପର ମାଳିନୀ ମାତା ଦର୍ପ ବିନାଶିନୀ l

ଶୁମ୍ଭ ନିଶୁମ୍ଭ ଦଳିନୀ ମହିଷା ମର୍ଦ୍ଦିନୀ

ଦୁଃଖ ବିନାଶିନୀ ମାଗୋ ଶାନ୍ତି ପ୍ରଦାୟନୀ l

ନାରୀ ନାରାୟଣୀ ତୁହି ଜଗତ ଜନନୀ

ନାନା ରୂପ ଧରି ତୁହି ସଂସାର ପାଳିନୀ l

ତୋର ନାମ ଜପି ଆମ୍ଭେ କରୁଛୁ ଜଣାଣ

ସୁଖ ଶାନ୍ତି ଦିଅ ମାଗୋ ଯାଉଛୁ ଶରଣ l

ଅଧର୍ମ ଅନୀତି ନାଶ ପ୍ରକାଶି ଜ୍ଞାନର 

ସତ୍ୟର ସାରଥୀ ହୋଇ ଧର୍ମ ରକ୍ଷା କର l

ଖଡ୍ଗରେ ଛେଦନ କର କ୍ରୋଧ ହିଂସା ମାନ

ଅଵଗୁଣ ହେଉ ନାଶ କରୁଛୁ ବନ୍ଦନ l