ଶୂନ୍ୟତା 🙏(କାଦମ୍ବରୀ ମହାଖୁଡ)

ମୁହୂର୍ତ୍ତରେ ଏଠି ଆପଣାଇ ନେବେ 

ମୁହୂର୍ତ୍ତେ କରିବେ ପର ,

ରଙ୍ଗ ବଦଳେଇ ସଭିଏଁ ଆସିବେ

ଚିହ୍ନିବା କଥାଟା ତୋର ,

ମୁହୂର୍ତ୍ତରେ ଏଠି ଆପଣାଇ ନେବେ 

ମୁହୂର୍ତ୍ତେ କରିବେ ପର ||

କିଛିଲୋକ ଏଠି 

ଡାକିବେ ହେ.... ବନ୍ଧୁ 

କିଛିତ ଏଠି 

ବନ୍ଧୁତ୍ୱେ ଟାଣିବେ ଗାର || (୨)

ସୁଖରେ ଆସିବେ 

ସାଥେ ସୁଖ ନେଇଯିବେ 

ଦୁଃଖରେ ପକାଇ 

ପ୍ରଶ୍ନବାଚକର ଗାର ,

ଦୁଃଖବେଳେ ତାଙ୍କ 

ଦୁଃଖ ଓଗାଳିବେ 

ସାହାଯ୍ୟ ମାଗିବେ....

ସୁଖବେଳେ ତାଙ୍କ 

ପଚାରି ବସିବେ 

ତୁମେ କ'ଣ ହେବ ମୋର ?

ତୁମେ କ'ଣ ହେବ ମୋର ?

ମନ ବଦଳାଇ 

ମନ ବୁଝାଇବେ 

ଏ ଅବୁଝା ମନକୁ ତୋର | ( ୨)

ମୁହୂର୍ତ୍ତେ ମିଶାଇ ସମ୍ପର୍କର ମାନ 

ମୁହୂର୍ତ୍ତେ ଗୁଣିବେ 

ସମ୍ପର୍କରେ ଦେଇ ଶୂନ.....

ସମ୍ପର୍କରେ ଦେଇ ଶୂନ ||

ମୁହୂର୍ତ୍ତରେ ଏଠି ଆପଣାଇ ନେବେ 

ମୁହୂର୍ତ୍ତେ କରିବେ ପର ,

ରଙ୍ଗ ବଦଳେଇ ସଭିଏଁ ଆସିବେ

ଚିହ୍ନିବା କଥାଟା ତୋର........

ଚିହ୍ନିବା କଥାଟା ତୋର ||