ଶୁଖିଲା ପତ୍ର
ଶୁଖିଲା ପତ୍ର
ଜୀବନଟା ଯଦି
ବୃକ୍ଷ ପାଲଟେ ,
ମନ ସାଜେ
ତାର ପତ୍ର ||
ହସ ଦିସେ ଯଦି
ସବୁଜ ସୁନ୍ଦର ,
ଭଙ୍ଗା ମନ ସାଜେ
ଶୁଖିଲା ପତ୍ର ||
ତଥାପି ଚମକେ
ସୁବର୍ଣ୍ଣର ରଙ୍ଗେ ,
ଝଡି ପଡେ ସତେ
ବସନ୍ତର ସଙ୍ଗେ ||
ମନ ବୟସ ଟା
ଝଡି ପଡେ ଶୁଖିବା ଆଗରୁ
ଝଡ଼େ ଉଡେ ତଳେ ପଡେ
କାଇଁ କେତେ ଅନାଦି କାଳରୁ ||
ଏ ବୃକ୍ଷ ମାନବ
ଏ ସମ୍ପର୍କ ପତ୍ରରୁ
ସୁଖୀ ନଥିଲା ତ
ନୂତନ ସମ୍ପର୍କ ନୂଆ ଆରମ୍ଭରୁ ||
ଯୌବନଟା ଅଶାନ୍ତ ପାଲଟେ
ବୃକ୍ଷ ଚେର ପରି
ମନର ଫୁଲଟା ଝଡି ପଡେ
ଶୁଖିଲା ପତ୍ରଟିଏ ପରି ||
ଜୀବନଟା ଯଦି ସ୍ନେହର
ଆଉ ପ୍ରେମର .....
ଅବା ପ୍ରକୃତିର
ସତ୍ୟ କେବଳ ନିଅତିର .....
କିଛି ଲାଭ ନାହିଁ
ମରୀଚିକା ସଜାଇ
ଏ ବୟସର ନେତ୍ର ,
ଖାଲି ଅବଶୋସ
ଏ ଜୀବନଟା
ସାଜେ ଯନ୍ତ୍ରଣାର କ୍ଷେତ୍ର ||
ପାରିବ ଯଦି
କେବଳ ଗୋଟିଏ ବୃକ୍ଷ ନୁହେଁ
ଥରେ ଦେଖ ପ୍ରକୃତିର ନେତ୍ର .......
କଞ୍ଚା ଯୌବନେ
ସାଜିବନି କେବେ
ଶୁଖିଲା ପତ୍ର ||