ଶୁଖିଲା ପତ୍ର
ଶୁଖିଲା ପତ୍ର
1 min
161
ଋତୁ ବଦଳୁଛି ଶୀତ ଆସୁଅଛି
ଜଗତକୁ ଯିବ ମାଡି,
ଗଛରେ ପତର ପାଚିବ ଝଡିବ
ତଳେ ଯିବ ସବୁ ପଡି ।
ତଳେ ପଡ଼ିଗଲେ ସବୁ ଶୁଖି ଯିବ
କିଛି କାର୍ଯ୍ୟେ ଲାଗିଯିବ,
ଯାହା ବାକିଥିବ ତହିଁ ପଡ଼ି ରହି
ପଚି ସଢି ଖତ ହେବ ।
ବନବାସୀମାନେ ଶୁଖିଲା ପତ୍ରକୁ
ସାଉଁଟି ଘରକୁ ନେବେ,
ଭଲ ପତ୍ର ବାଛି ଖଲି ଦନା କରି
ବଜାରେ ବିକ୍ରି କରିବେ ।
ଯେଉଁ ପତ୍ର ସବୁ ବଳକା ରହିବ
ଜାଳକାର୍ଯ୍ଯେ ଲଗାଇବେ,
ଏହି ପରି ଭାବେ ଶୁଖିଲା ପତ୍ରକୁ
ଉପଯୋଗ କରୁଥିବେ ।
ଶୀତ ପରେ ଯେବେ ବସନ୍ତ ଆସଇ
ନବ ପତ୍ର ପଲ୍ଲଵଇ,
ନୂତନ ପତ୍ରରେ ବୃକ୍ଷଟିର ଶୋଭା
ବିମଣ୍ଡିତ ହୋଇଥାଇ ।