ଶତ୍ରୁ ଦେଶ ପାକିସ୍ତାନ
ଶତ୍ରୁ ଦେଶ ପାକିସ୍ତାନ
ଆମ ଭାରତର, ଆମେ ନାଗରିକ,
ଜାତି ଧର୍ମ ନିର୍ବିଶେଷେ ।
ଭାରତ ମାତାର, ଜୟ ଗାନ କରୁ,
ମିଳି ମିଶି ସାଧୁ ବେଶେ ।।
ଏହି ଭାରତର, ପଡୋଶୀ ଦେଶ ଯେ,
ଚୀନ ନେପାଳ ଭୁଟାନ ।
ଆଫଗାନିସ୍ତାନ, ଅବା ମିଆଁମାର,
ଶ୍ରୀଲଙ୍କା ଓ ପାକିସ୍ତାନ ।।
ଆମେ ମିଳିମିଶି, ପଡ଼ୋଶୀଙ୍କ ସଂଗେ,
ବଣିଜ ବେପାର କରୁ ।
ପାକିସ୍ତାନ କିଆଁ, କାଶ୍ମୀର କାଶ୍ମୀର,
ହୋଇ ଜଳିପୋଡି ମରୁ ।।
ନିଜ ଦେଶ ଦୁଃଖ, ନିଜ ନାଗରିକ,
ସେମାନେ ତୁମ ସମ୍ପଦ ।
ସେଥି ପାଇଁ କଦା, ଖାତର ନ କରି,
ଡାକରା ଦେଉଛ ଯୁଦ୍ଧ ।।
ନାହିଁ ଦାନା କନା, ନିଜ ଦେଶ ପାଇଁ,
କେମିତିକା ରାଜନୀତି ।
କାଶ୍ମୀର ଚିନ୍ତାରେ, କୁମ୍ଭୀର କନ୍ଧଣା,
ଭେଦଭାବ ଧର୍ମ ଜାତି ।।
ଶତ୍ରୁ ହୋଇ ତୁହି, ଆମ ଦେଶ ପାଇଁ,
ଦୁନିଆ ଦାଣ୍ଡରେ ଠିଆ ।
ପାକ ଅଧିକୃତ, ଚାହିଁଲେଣି ଏବେ,
ଭାରତ ଦେଶକୁନୂଆ ।।
ନୂଆ ପାକିସ୍ତାନ, କରିବାକୁ ତୁମେ,
କାଶ୍ମୀରକୁ ହରେଇବ ।
ପରମାଣୁ ଯୁଦ୍ଧ, ଡାକରା ତୁମର,
ବେହିଆମୀ ପଣ ହେବ ।।
ଦୁନିଆ ଆଗରେ, କଳା ମୁଁହ ନେଇ,
ହରେଇଲ ନିଜ ମାନ ।
ଶତ୍ରୁ ଦେଶ ତୁମେ, ଭାବ ନାହିଁ କଦା,
ଦୁର୍ବଳ ଯେ ହିନ୍ଦୁସ୍ଥାନ ।।
ଜିନ୍ଦାବାଦ ଥିଲା, ଜିନ୍ଦାବାଦ ଥିବ,
ଆମର ଭାରତ ଦେଶ ।
ଜଳି ଜାଳୁ ଥିବ, ନିଜ ଦେଶ ଜନ,
ଲଢ଼ିବୁ ଶେଷ ନିଶ୍ୱାସ ।।
ସଇନ ସବଳ, ଅସ୍ତ୍ର ଓ ସମ୍ପଦ,
ଅର୍ଥନୀତି ରାଜନୀତି ।
ସବୁଥିରେ ଆଗେ, ମୋ ଦେଶ ଭାରତ,
ମିତ୍ରତାକୁ କର ନୀତି ।।
ଶତ୍ରୁ ହୋଇ ତୁମେ, ଲଢ଼ିବାକୁ ସଦା,
ଦିଅନା ଏତେ ଧମକ ।
ତୁମ ଦେଶ ନିଶ୍ଚେ, ହେବ ଖଣ୍ଡ ଖଣ୍ଡ,
ବୀରତା ଆମ ପ୍ରତୀକ ।।