ଶରତର ଆଗମନୀ
ଶରତର ଆଗମନୀ
କାଶତଣ୍ଡୀ ହୁଏ ନୃତ୍ୟରତା ମୃଦୁ
ହିଲ୍ଲୋଳରେ ତାଳେ ତାଳେ
ଦେଖି ମନ ପ୍ରାଣ ହୁଏ ପ୍ରତ୍ଫୁଲିତ
ଦିଗବଳୟ ଅନ୍ତରାଳେ ।
ପବିତ୍ର ପାର୍ବଣ ଦେବୀ ଆବାହନୀ
ଶରତର ଆଗମନେ
କାଶତଣ୍ଡୀ ପ୍ରାୟ ଧବଳ ଚାମରେ
ନଈପଠା ଉପବନେ ।
ନୀଳ ଆକାଶରେ ମେଘମାଳାମାନ
ଧିରେ ଅପସରି ଯାଇ
ଗାଁଆଠୁ ସହର ଉତ୍ସବ ମୁଖର
ହୋଇଉଠେ ମାଆ ପାଇଁ ।
ହସୁଛି ମରତ ମହାମାୟୀ ବିଜେ
ଆଗମନି ବାର୍ତ୍ତା ନେଇ
ନଦ ନଦୀ ହ୍ରଦ କୃଶତନୁ ହୁଏ
ପ୍ରକୃତି ସ୍ୱଚ୍ଛ ହୁଅଇ ।
ପୁଣି ସସାଗରା ଭୂ-ଜ୍ୟୋସ୍ନା ପ୍ଲାବିତ
ମଣ୍ଡପେ ମାଆଙ୍କୁ ପାଇ
ସମଗ୍ର ଜଗତ ପୂଜାର୍ଚ୍ଚନାଭରେ
ମଙ୍ଗଳ ମନାସୁ ଥାଇ ।
ମୁରୁକି ହସନ୍ତି ତରାଟ ମନ୍ଦାର
ମହାଅଷ୍ଟମୀରେ ଅର୍ପିତ
ଜଗତ୍ଜନନୀଙ୍କ ମୃଣ୍ମୟୀ ପ୍ରତିମା
କାରିଗର ସମର୍ପିତ ।