ଶ୍ରମିକର ଅନ୍ତର୍ଦାହ

ଶ୍ରମିକ ମଜୁରୀ ନାହିଁତା ଉପୁରି

ଖଟିଲେ ମେଣ୍ଟାଏ ଭୋକକୁ ତାହାରି ll

ବିଚିତ୍ର ଦୁନିଆଁ କାହାକୁ ଦେଖେନା

ସ୍ୱାର୍ଥରେ ବାଇଆ ଅନ୍ୟକୁ ବୁଝେନା ll

କାନ୍ଦୁଛି ଅନ୍ତର ଶ୍ରମିକ ହୃଦୟ

ନାହିଁତା ସମ୍ମାନ ଦ୍ରାରିଦ୍ୟ ପାଥେୟ ll

ତାହାରି ସମୟ ଶ୍ରମକୁ ଲଗାଇ

ଉନ୍ନତି ପ୍ରଗତି ବିକାଶ ହୁଅଇ ll

ଶିଳ୍ପରେ ଚାଷରେ କମ୍ପାନୀ କଳରେ

ଶ୍ରମିକ ବିନାରେ କାହାଣୀ ଅଧାରେ ll

ତଥାପି ସମାଜ କରୁଛି ଉପେକ୍ଷା

ଦେଉନି ସୁଯୋଗ ସରୁନି ଅପେକ୍ଷା ll

ବଜାର ମୂଲ୍ୟଯେ ବଢୁଛି ସ୍ରୋତରେ

ବଢେନା ମଜୁରୀ ବିପ୍ଳବ ବିନାରେ ll

ରକ୍ଷକ ଏଠାରେ ଆଇନି ଧରିକି

ପେଟକୁ ମାରଇ ସାନ୍ତ୍ୱନା ଦେଇକି ll

ପାଏନା ସମୟ ବିହାର ବିନୋଦ

ଯାତ୍ରାରେ ପରବେ ମନତା ବିଷାଦ ll

ମାଲିକ ଦୟାରେ ହସେତା ସଂସାର

ବ୍ୟଥିତ ଦୁଃଖିତ ସଦାତା ଅନ୍ତର ll

ସନ୍ତାନ ତାହାର ଶିକ୍ଷାରୁ ବଞ୍ଚିତ

ଯନ୍ତ୍ରଣା ପାଆଇ ହୋଇକି ଲାଂଛିତ ll

ଧନର ଅଭାବେ ଚିକିତ୍ସା ବଞ୍ଚିତ

ପ୍ରତ୍ୟେକ କ୍ଷେତ୍ରରେ ସଂସାରେ ଶୋଷିତ ll

ସମାନ ନାମରେ କଳଙ୍କ ଧରିଛି

ଆର୍ଥିକ ବିଷମ ସମାଜେ ବଢୁଛି ll

ଶ୍ରମିକ ବେଦନା କୋହରେ ଜଳୁଛି

ପାଟିକୁ ଖୋଲିଲେ ପିଠିରେ ବାଜୁଛି ll