ଶ୍ରମିକ ଅଟେ ନାୟକ ବିକାଶର
ଶ୍ରମିକ ଅଟେ ନାୟକ ବିକାଶର
ଶ୍ରମିକ ନୁହେଁ ନଥିଲା କେବେ ଦୁର୍ବଳ
ସେ ଅଟେ ନାୟକ ବିକାଶର
ପ୍ରକୃତ ସେବକ ଦେଶର ସଭ୍ୟତାର
ଓ ଆଗେଇ ନବା ପନ୍ଥାର |୧|
ସେ ବିଶ୍ୱକର୍ମା ସମସ୍ତ ଆଧୁନିକ ସୌଧର
ଓ କଳକାରଖାନାର
ନୁହେଁ ସେ ସ୍ଵାର୍ଥପର ତାର ଆନନ୍ଦ ଶାନ୍ତି
ମୈତ୍ରୀ ଅହିଂସା ସ୍ଥାପନର |୨|
ତାର ନିଜ ଲୁହ ଲହୁର ଲହଡିରେ କୋଡି
କୋଦାଳ ସାହାଯ୍ୟରେ
ହୋଇଥାଏ ସବୁ ପ୍ରଗତିର ମେରୁଦଣ୍ଡ ସେ
ଉତ୍ପାଦକ ଶକ୍ତି ପୃଥିବୀରେ |୩|
ସେ ଜାଣେ ସାମୁହିକତାରେ ଜିଇଁବାର
ଆନନ୍ଦ ସ୍ଵାର୍ଥପରତାରେ ନ ଥାଏ
ତାହାର ଭାଷା ଶ୍ରମର ଆନନ୍ଦ ଟଙ୍କିକିଆ
ଚାଉଳ ଭିକରେ ନଥାଏ |୪|
ତା ନିଜ ଶ୍ରମଜନିତ ଘର ଚାଉଳର ଆନନ୍ଦ
ଟଙ୍କିକିଆ ଚାଉଳରେ ନଥାଏ
ଦେଶୀ ସଂସ୍କାର ସଂସ୍କୃତି ପରମ୍ପରାର ଆନନ୍ଦ
ବିଦେଶୀ ଚଳଣୀରେ ନଥାଏ |୫|
ଖଟିଖିଆ ମଜୁରିଆ ମୁଲିଆର ମୂଲ୍ୟ ନାହିଁ
କି ତାଙ୍କ ଜୀବନଧାରଣର
ନାହିଁ ଅର୍ଥ ନାହିଁ କ୍ଷମତା ନାହିଁ ବାହୁ ବଳ ଅଛି
ସ୍ଵାଧୀନତା କହିବା ଓ କରିବାର |୬|
ଇଚ୍ଛା ତାର ନିଜେ ବଞ୍ଚି ମାନବ ଜାତିକୁ ଜୀବ
ଜଗତକୁ ବଞ୍ଚାଇବାର ଆନନ୍ଦରେ
ବନ୍ଦୀ ସଦୃଶ ଅଛି ପୁଞ୍ଜିବାଦୀ ଅର୍ଥନୀତିର
ସାମାଜିକ ଅନ୍ୟାୟ ଶିକୁଳିରେ |୭|
ଅତ୍ୟାଚାରେ ହୋଇ ଜର୍ଜରିତ ସେ ଚିତ୍କାର
କରୁଛି ତାକୁ ନ୍ୟାୟ ଦିଅ
ନିରବ କାହିଁକି ହେ ମିଛ ପ୍ରତିଶୃତିର ସରକାର
ତାକୁ ସମ୍ମାନ ଦିଅ |୮|