ଶ୍ରୀଜଗନ୍ନାଥ

ମନ, ହୃଦୟେ ଶ୍ରୀଜଗନ୍ନାଥ କର ସ୍ମରଣ

ସେଇ ଏକା ଜୀବନରେ ମୁକ୍ତି କାରଣ

ମନ,ହୃଦୟେ ଶ୍ରୀଜଗନ୍ନାଥ... ||

ସାକ୍ଷାତ ମହିମାମେରୁ

ଭକ୍ତ ବାଞ୍ଛା କଳ୍ପତରୁ

ଜୀବନର ହର୍ତ୍ତା କର୍ତ୍ତା ଜଗତ ଗୁରୁ

ଜଗତ ମଙ୍ଗଳ ପାଇଁ 

କଳିରେ ସେ ବ୍ରହ୍ମଦାରୁ

କୀଟରୁ ବ୍ରହ୍ମ ପର୍ଯ୍ୟନ୍ତ 

ନିତ୍ୟ ଶରଣ

ମନ,ହୃଦୟେ ଶ୍ରୀଜଗନ୍ନାଥ... ||

ଲୀଳାମୟ ଦାରୁଭୂତ

ସେ ଲୀଳାର ନାହିଁ ଅନ୍ତ

ପତିତ ପାବନ ଲାଗି ଗୁଣ୍ଡିଚା ଯାତ

ଦର୍ଶନ ମାତ୍ରେ କୃତାର୍ଥ

ବିଶ୍ୱ ଆତ୍ମା ସର୍ବଭୂତ

ଭବଭୟ ହାରୀ,ଦୀନ

ଦୁଃଖ ନାଶନ

ମନ, ହୃଦୟେ ଶ୍ରୀଜଗନ୍ନାଥ... ||