ଲାଇବ୍ରେରୀ
ପ୍ରୋଫାଇଲ୍
ଶ୍ରୀ ଗୁରୁକୃପା
ଶ୍ରୀ ଗୁରୁକୃପା
1 min
195
ଜନ୍ମର ପ୍ରାରମ୍ଭୁ କିଛି ଶିଖିବାକୁ
ଆବଶ୍ୟକ ଗୁରୁଙ୍କର
ପ୍ରଥମ ଗୁରୁଟି ମାତା ପିତା ଦ୍ଵୟ
ତାଙ୍କ ପାଦେ ନମସ୍କାର I୧I
ଶୈଶବ କାଳରୁ ଆବଶ୍ୟକ ପଡେ
ଶିକ୍ଷା ପାଇଁ ଶିକ୍ଷା ଗୁରୁ
ଯାହା କୃପା ହେତୁ ସମାଜେ ମଣିଷ
ବିଚରେ ଗୁରୁକୃପାରୁ ।୨।
ହାତ ଧରି ଗୁରୁ ବିଦ୍ୟା ଶିକ୍ଷା ଦେଲେ
ଚିହ୍ନାଇଲେ ବାକ୍ୟ ପଦ
ତାଙ୍କ ଆଶିର୍ବାଦେ ବଡ ହୋଇ ଲୋକେ
ଲଭିଥାନ୍ତି ଉଚ୍ଚପଦ ।୩।
ଶିକ୍ଷା ଗୁରୁ ଜାଣ ଅନେକ ଅଟନ୍ତି
ଦୀକ୍ଷା ଗୁରୁ ଏକ ଅଟେ
ବିଭୁ କୃପା ହେଲେ ଗୁରୁ ଦୟାକରି
ଚିହ୍ନାଅନ୍ତି ନନ୍ଦ ଚାଟେ ।୪।
ଜନ୍ମ-ମୃତ୍ୟୁ ଚକ୍ର ମାୟା ସଂସାରର
ଶିକ୍ଷା ଦେଇଥାନ୍ତି ଗୁରୁ
ଭଗବତ ପ୍ରାପ୍ତି କୃଷ୍ଣ ଠାରେ ମତ୍ତି
ମିଳେ ଗୁରୁଙ୍କ କୃପାରୁ ।୫।
ଶିକ୍ଷା ଗୁରୁ ହେଉ ଅବା ଦୀକ୍ଷା ଗୁରୁ
ଗୁରୁ ଈଶ୍ଵର ସାକ୍ଷାତ
ଶ୍ରୀଗୁରୁ ଚରଣେ ମତ୍ତି ରହୁ ମୋର
କୋଟି କୋଟି ଦଣ୍ଡବତ । ୬।
