ଶ୍ରୀ ଗଣେଶ
ଶ୍ରୀ ଗଣେଶ
ଆହେ ଲମ୍ବୋଦର ,ପାର୍ବତୀ କୁମର
ଅଗ୍ରପୂଜ୍ୟ ଗଜାନନ....
ସିଦ୍ଧି ବିନାୟକ, ବିଘ୍ନ ବିନାସକ
ପ୍ରଣିପାତ ମୋର ଘେନ ।
ମୂଷିକ ବାହନ ଗଜେନ୍ଦ୍ର ବଦନ
କି ଅପୂର୍ବ ରୂପ କାନ୍ତି....
ଜ୍ଞାନର ଦେବତା.. ବିଦ୍ୟା, ବୁଦ୍ଧିଦାତା
ତୁମେ ଗଣ ଅଧିପତି ।
ଚନ୍ଦନ ଚର୍ଚ୍ଚିତ, ତୁମେ ଏକଦନ୍ତ
ବକ୍ରତୁଣ୍ଡ, ଧୁର୍ମବର୍ଣ୍ଣ......
ଚତୁର୍ଭୁଜେ ନାନା ଅସ୍ତ୍ର ସୁଶୋଭିତ
ବିନାୟକ, ସୂର୍ପକର୍ଣ୍ଣ ।
ସରିଛି ଶ୍ରାବଣ ..ଆସିଛି ପାର୍ବଣ
ଆସ ପ୍ରଭୁ ଅବତରି....
ଦିଅ ଶୁଭାଶିଷ ଆହେ ଶ୍ରୀ ଗଣେଶ
ଦୁଃଖ ଯାଉ ଅପସରି ।
ସବୁରି ହୃଦୟୁ ନାଶ ହେଉ ପ୍ରଭୁ
ହିଂସା, ଦ୍ୱେଷ, ଲୋଭ, ମୋହ
ଦିଅ ଦିବ୍ୟଜ୍ଞାନ, ହେ ଗୌରୀ ନନ୍ଦନ
ହୃଦେ ଭରିଦିଅ ସ୍ନେହ ।
ଦୂର ହେଉ ମହାମାରୀର ଆତଙ୍କ
ତୁମରି ଆଗମନରେ
ଫେରି ଆସୁ ଶାନ୍ତି, ହସୁ ଏ ଧରିତ୍ରୀ
ଏତିକି ପ୍ରାର୍ଥନା କରେ ।