ଶ୍ରେଷ୍ଠ ବନ୍ଧୁ

ପ୍ରକୃତ ବନ୍ଧୁର ସନ୍ଧାନରେ ଦିନେ

ଖୋଜିବାକୁ ବାହାରିଲି

ସ୍ୱାର୍ଥ ଦୁନିଆରେ ସ୍ୱାର୍ଥପର ଦେଖି

ଅବାକ ହୋଇଗଲି

ବର୍ଷା ଯେଉଁ ଆଡେ ଛତା ସେଇ ଆଡେ

ଏମିତି ଲୋକ ଦେଖିଲି

ମିଛ ବନ୍ଧୁ ଆଉ ପ୍ରହସନ ବନ୍ଧୁ

ଅନେକ ମୁଁ ପାଇଲି

ଥକା ହୋଇଯାଇ ଗଛ ମୂଳଟିରେ

ବିଶ୍ରାମ ଟିକେ ମୁଁ ନେଲି

ପ୍ରକୃତ ବନ୍ଧୁ ପଞ୍ଚତତ୍ତ୍ୱ ବୋଲି

ମନରେ ମୁଁ ଭାବିଲି

ପୃଥିବୀ ପାଣି ବାୟୁ ଅଗ୍ନି ଆକାଶ ସୁମରି

ପ୍ରଣିପାତ ମୁଁ ହେଲି

ଏମାନେ ଅଟନ୍ତି ପ୍ରକୃତ ବନ୍ଧୁ

ଶିକ୍ଷା ମୁଁ ପାଇଗଲି

ଶରୀର ମୋହର ଦୁର୍ବଳ ଲାଗିଲା

ପାଣି ଆଞ୍ଜୁଳେ ପିଇଲି

ସବୁଠାରୁ ଶ୍ରେଷ୍ଠ ଆରୋଗ୍ୟ ବନ୍ଧୁ

ଉତ୍ତର ପାଇଗଲି