💐💐ଶ୍ରଦ୍ଧାର ଅର୍ପଣ💐💐

ପ୍ରଭୁଙ୍କ ର ଭକ୍ତି ଶ୍ରଦ୍ଧାର ଅର୍ପଣ

ଭକ୍ତି ପ୍ରେମ ସତ୍ୟ ଅହିଂସା ଦର୍ପଣ

ନିସ୍ବାର୍ଥ ଭକ୍ତିର ପ୍ରଭୁଙ୍କ ଚରଣ

ପ୍ରଭୁଙ୍କର ପ୍ରିୟ ସେ ଭକ୍ତ ହିଁ ଜାଣ।୧।

ସ୍ବାଦିଷ୍ଟ ନୈବେଦ୍ୟ ଆବଶ୍ୟକ ନାହିଁ

ସୁବର୍ଣ୍ଣ ରତ୍ନର ପ୍ରୟୋଜନ ନାହିଁ।

ନିସ୍ବାର୍ଥ ଭକ୍ତିର ଆବଶ୍ୟକ ତହିଁ

ନିତ୍ୟେ ପ୍ରତିଦିନ ପ୍ରେମ ଭକ୍ତି ଯହିଁ।୨।

ନିରାକାର ପ୍ରଭୁ ଭକ୍ତ ନାରାୟଣ 

କୄପାସିନ୍ଧୁ ନାଥ ଜଗତ ତାରଣ

ଅନ୍ୟାୟୀ ମାନଙ୍କ ବିନାଶ କାରଣ

ଧର୍ମର ରକ୍ଷାର ଶ୍ରୀ ପ୍ରଭୁ ଚରଣ।୩।

ଯାହା କି ଦେଖୁଛେ ଏ ଭୁମଣ୍ଡଳ ରେ

ସବୁତ ରଚନା ତାଙ୍କରି ହସ୍ତରେ

କହୁଅଛ କିମ୍ପା ମହରି ମହରି

ନଯିବ ଟି କିଛି ସଙ୍ଗେରେ ତହରି ।୪।

ନିସ୍ବାର୍ଥ କର୍ମର ଅପୁର୍ବ କାହାଣୀ

ସତ୍ୟ ଧର୍ମ ଭକ୍ତି ସୁମଧୁର ବାଣୀ

ଦେଶ ସେବା ଆଉ ନ୍ୟାୟର କାରିଣୀ

ଗୁଞ୍ଜୁ ଥିବ ନିତ୍ୟେ ପବିତ୍ର ଧରଣୀ।୫।

ପ୍ରଭୂଙ୍କ ର ଭକ୍ତି ଶ୍ରଦ୍ଧାର ଅର୍ପଣ

ଭକ୍ତି ପ୍ରେମ ସତ୍ୟ ଅହିଂସା ଦର୍ପଣ

ନିସ୍ବାର୍ଥ ଭକ୍ତିର ପ୍ରଭୁଙ୍କ ଚରଣ

ପ୍ରଭୁଙ୍କର ପ୍ରିୟ ସେ ଭକ୍ତି ହିଁ ଜାଣ।୬।