ଶ୍ରଦ୍ଧାଞ୍ଜଳି

କାହାର କାଉଁରି ସ୍ପର୍ଶ ରେ 

ଏତେ ଆକର୍ଷିତ ହେଇଗଲ

ବିନା ଦ୍ବନ୍ଦ ରେ ବିନା ଚିନ୍ତା ରେ

ଏକ ଅଜଣା ନିସ୍ତବ୍ଧ ଇଲାକାରେ

ନିଜ ପାଇଁ ଏକ ପାନ୍ଥଶାଳା ଗଢିଦେଲ

ସତରେ କଣ ତୁମେ ସ୍ବାର୍ଥପରତା ର

ସବୁ ସୀମା ଲଂଘି ସମସ୍ତ ଙ୍କୁ

ଏତେ ପର କରିଦେଲ ..... 

ତୁମେ ତ ଚଉଁରା ମୂଳରେ ଜଳୁଥିବା

ମାଟି ଦୀପ ର ସେ ଲେଲିହାନ ସଳିତା ଥିଲ

ସତରେ କଣ ସେ ଦୀପ କୁ ଏକ

ବିଧଗ୍ଧ ମାଟି ବୋଲି କହି ପରିହାସ କରୁଥିଲ

ନା .........

ଜହ୍ନ ର ଜୋତ୍ସ୍ନା କୁ ଦେଖି କିଛିଟା

ଈର୍ଷ୍ୟା ରେ ନିରବରେ ଲିଭିଗଲ ....

ହଁ ତୁମର ଆତ୍ମା ନିଶ୍ଚୟ ଦେଖୁଥିବ

ବିନା ବାଦଲରେ ନିଶ୍ଚଳ ଆକାଶରେ

ଅଜଣା ଆଷାଢ ର କିଛି ଛୋଟ ଛୋଟ ବିନ୍ଦୁ

ଏଇ ଚଞ୍ଚଳ ଆଖିରୁ ବହିଯାଉଥିବ ...

ଆଉ ତାର ଉଷ୍ମତା ର ପ୍ରଭାବ 

ଏଇ ଶୁଷ୍କ ଓଠରେ ସ୍ପଷ୍ଟ ଦେଖାଯାଉଥିବ ..

ମୁଁ ଜାଣି ପାରୁଛି ତୂମେ ଗଲାପରେ

ତୁମ ଆତ୍ମା ବହୁତ ନିଷ୍ଠୁର ହେଇଯାଇଛି ...

ତୂମେ ଆଉ ଫେରିବନି

ହେଲେ ଅନେକ ଅଭିମାନ ରଖି ତୁମକୁ

ଶ୍ରଦ୍ଧାଞ୍ଜଳି ଦେଇଯାଉଛି ....

(ଅଭିନେତ୍ରୀ ଦୀପା ସାହୁଙ୍କ ସ୍ମୃତି ରେ)