Library
ଶୋଇବାର ବେଳ ଇଏ ନୁହେଁ
ଶୋଇବାର ବେଳ ଇଏ ନୁହେଁ
ପ୍ରାଣବଳି ଦ୍ୱାରା ସ୍ୱାଧୀନ ମାଟିର ତ୍ରିରଙ୍ଗା ଉଡୁଛି
ସାର୍ବଭୌମିକତା ସ୍ୱାଧୀନତା ଆମ ଗୈାରବ
ଏକତାର ମନ୍ତ୍ର ଧରି ପାଳନ କରୁଛୁ ସ୍ୱାଧୀନ ଦିବସ
ଦେଶର ସମ୍ମାନ ସ୍ୱାଧୀନତା ଆମ ବିଭବ |୧|
କଅଣ କହିବା ରାଜ୍ୟରେ ଚାଲଇ ଶାସନ ଋଣ
କରି ମିଳଇ ଟଂକିକିଆ ଚାଉଳ ରେସନ
ବିଚାର ଚାଲୁଛି ବିଳମ୍ବେ କୋର୍ଟରେ ଓ ନୋଟରେ
ଚାଲିଛି ଗଣତନ୍ତ୍ର ରାଜନୀତି ଶାସନ |୨|
କଥାରେ କୁହନ୍ତି ନେତାଏ ଆପଣଙ୍କ ପାଇଁ ଏଇ
ଶରୀର ଓ ଦେଇଛି ମୋର ଜୀବନ
ମିଠା ପ୍ରତିଶ୍ରୁତି ଶୁଣି ଭୋଟର ଦେହ ଓ ମନରେ
ହେଉଛି ଖାଲି ମିଥ୍ୟା ଅନୁଭୂତିର ସ୍ପନ୍ଦନ |୩|
ମିଛ ପ୍ରତିଶ୍ରୁତି ବିଷରେ ବିଷାକ୍ତ ହୋଇଛି ଆମର
ସଭ୍ୟତା କ୍ରାନ୍ତିର ଡୋର ଟାଣିବ କିଏ
ଜାତି ଧରମ ନାମେ ଭେଦଭାବ ଅଶାନ୍ତ ଅନଳେ ଜଳୁଛି
ସମାଜ କ୍ରାନ୍ତିର ପତାକା ଟେକିବ କିଏ ? |୪|
ଜାଣୁଛେ ଦୁର୍ନୀତି ଶୋଷଣ ବିରୁଦ୍ଧେ ସମାଜରେ ତ
ଦରକାର କ୍ରାନ୍ତି ଶାନ୍ତି ହାସଲ ପାଇଁ
ବିବେକ ବିକ୍ରି କରି କ୍ଷମତାଧାରୀ ଶୋଷକର ଦଲାଲ
ସାଜିଛେ କ୍ରାନ୍ତିର ପଥ କେମିତି ଆଣିବା ଭାଇ |୫|
ଦେଶର ବ୍ୟବସ୍ଥା ଅବସ୍ଥା ଅତି ଶୋଚନୀୟ ପୁଂଜିପତି
ହାତରେ ଦେଶର ସର୍ବସ୍ୱ ରହେ
ତ୍ରିରଙ୍ଗା ଧରି ଉଠରେ ସମସ୍ତେ ମଠ କର ନାହିଁ କର
ଗଣ ଆନ୍ଦୋଳନ ଶୋଇବାର ବେଳ ଇଏ ନୁହେଁ ? |୬|
