ଶିଶୁ

ଶିଶୁ ରାଇଜରେ

ଗଢିଵି ମନ୍ଦିର

ପୂଜିବି ଦିଅଁଟେ

ଶିଶୁ ପ୍ରତିମାର ,

ସ୍ନେହ ମମତାର

ବଗିଚା କରିକି

ଫୁଟାଇବା ଫୁଲ

ଶିଶୁ ଓଠ ଧାରେ ,

ତା' କଅଁଳ ପରଶେ

ଛୁଆଁଇବା ନାହିଁ କଣ୍ଟା

ନିଷ୍ଠାପର ହୃଦୟରେ

ଦେବା ନାହିଁ ବାଧା ।

ସ୍ନେହ ତ୍ୟାଗ ଧର୍ମ

ଦୟା ଭକ୍ତି ସଂଯମ

ମିତଵ୍ୟୟୀ ସଦଭାଵ

ଭାବଭରା ବିନିମୟ

ପୁଣି ଶୁଦ୍ଧପୂତ କରମ ।

ସଂସ୍କାରକ ହେବା

ସବୁ ବାର୍ତ୍ତା ଦେଇ

ଚରିତ୍ର ଧନକୁ

ଉଜ୍ଜ୍ୱଳ କରାଇ,

ଚେଷ୍ଟିବି ସତତ

ଜାଳି ନିଜ ସ୍ୱାର୍ଥ

ଆଜିର ଶିଶୁ ଯେ

କାଲି ଜଗତର ନାଥ ।